CHAPTER 31
THIRD PERSON’S POINT OF VIEW
“DITO po ba nakatira ‘yung pamilya ni Tanya?” Yumuko nang bahagya si Ariani para hindi mauntog sa mababaw na yerong bubong ng halos barong-barong lamang na bahay na tinungo nilang magkakaibigan.
Agad na sinundan siya ni Helga saka inalalayan na huwag mauntog sa mga nakausling harang sa harapan nila. Sumilip naman sa kanila mula sa maliit na bintana ang mga taong nakatira sa loob ng bahay, ang iba ay mga bata habang ang iba naman ay matatanda na. Ang kausap lamang nila ay ang matandang babae nasa harap ng bahay na iyon, nakaupo sa mababaw na upuan at may kaharap na isang katerbang labahin sa malawak na batya.
“Sino sila?” Tanong ng babae nang makalapit ito sa kanila, basa pa ang mga kamay ng sabon at halos mamaga sa paglalabang ginagawa.
Lumapit
