NASA garden si Britney ng umagang iyon kasama si Alpa. Dahil naiinip at wala namang magawa sa loob ng mansion. Nagprisinta siyang sumama sa dalaga para maglinis do’n at tuloy diligan nila ang mga halamang naroon, especially ang mga tanim na orchids ni Doña Emerald.
Bukod do’n, gusto rin niyang mainitan at mapagpawisan ang katawan. Pakiramdam kasi niya nanghihina pa rin ang katawan niya. Dahil nagkasakit siya no’ng nakaraaang araw.
“Ate, sorry pala do’n sa nangyari no’ng isang araw. Napagalitan tuloy ako ni Kuya Joel. Akala ko nga ii-cut niya ang allowance ko. Mabuti na lang at naawa sa akin. Marami pa naman akong bayarin ngayon,” kuwento ni Alpa. Kapagkuwan humakbang ito sa isang bahagi ng garden, na may mga upuang yari sa bato.
Pinatay ni Britney ang gripo at itinabi ang hose. Sumun
