PAGKARATING ni Joel sa kanilang mansyon ay agad siyang pumasok at deritsong tinungo ang hagdan. Halos liparin niya ang baitang ng hagdanan. Para makarating agad sa kanyang kuwarto. Hindi niya alam kung gising pa ba ang asawa o tulog na. Sinilip niya ang antique nilang orasan sa tabi ng piano. Kinse minutos bago mag-alas otso ng gabi.
Napamura siya. Saka muling binilisan ang paghakbang paakyat sa hagdanan. Sa pagmamadali niya muntik pa niyang mabangga si Aling Lourdes sa hallway. Binati niya ito at agad pinihit ang doorknob ng kanyang kuwarto.
Halos nawala ang pagod niya nang makita ang asawa. Ngunit napalitan agad iyon ng pagtataka ng lapitan niya ito. Wala sa ayos itong nakadapa sa itaas ng kanyang kama, suot ang puting shirt niya, at bahagyang nakalaylay ang isang paa nito sa tabi ng
