“Pwede mo bang samahan si Cara sa biyernes? Hindi kasi ako pwede, eh. Sige na, please?” Ungot ni Andeng kay Aries na kasalukuyan nilang kasama.
Muling dumalaw ang binata sa bahay nila at inaya ang buong pamilya niya na kumain sa labas. Ngunit tumanggi na sumama ang mga magulang niya kaya si Andeng na lang ang isinama nila.
Napabaling siya kay Andeng at akmang pipigilan ito ngunit pasimple siya nitong sinenyasan na ‘wag siyang maingay.
“Of course!” mabilis naman na sagot nito bago siya tinitigan. “I will go with her wherever she goes. I will take take care of her.” Sinserong sabi nito na inilagay pa ang kanang kamay sa tapat ng dibdib nito.
Nag-init ang magkabila niyang pisngi sa gesture na iyon ng binata. Nag-iwas siya ng tingin pero sa totoo lang ay lihim siyang kinilig sa sinabi nito
