Pakanta-kanta pa si Cara habang abala sa pagsasampay ng mga nilabhang damit sa likod bahay nila.
“You are my sunshine, my only sunshine. You make me happy---"
“Hello, beautiful.” Sabi ng isang baritonong tinig mula sa likod niya sabay halik nito sa pisngi niya. Napangiti siya. Hindi pa man niya ito nabibistahan ay sigurado siya kung sino ito. Niyakap siya nito mula sa likuran.
“’O? Nagkita lang tayo kahapon, ah.” Inipitan niya ang huling damit na sinampay niya bago hinawakan ang braso nito na magkasalikop sa baywang niya.
Naramdaman niyang hinalikan nito ang buhok niya. Mabuti na lang at nakaligo na siya bago pa siya magsampay.
“What can I do? I missed you already. I love you,” Malambing na sabi nito.
Para namang may humaplos na malamig na kamay sa puso niya. Kung noon ay sweet n
