"Grabe ka naman! Gusto ko lang naman makausap ang tao, pakikipagbalikan na kaagad ang nasa isip mo? Masama bang makausap ang ama ng anak ko?" Paliwanag nito sa kanya saka nito tinaasan ng kilay si Sophia.
"Wala namang masama makipag-usap sa ex-boyfriend mo. Pero sana naman ay ilagay mo sa tamang lugar. Saka hindi mo na kailangang siraan pa siya sa iba," tugon nito na nanlilisik ang mga mata sa kinaroroonan ng mga nanloko sa kaibigan niya. "Kung gusto mo ako pa mismo ang lumapit sa kanya ngayon para makapag-usap na kayo at tapusin na ang dapat tapusin," dugtong pa niya.
"Hay, naku, Sophia! Umiiral na naman ang pagiging protective mo. Tama na nga iyan! Akala ko ba gusto mo na magkape? Sige na, bumili ka na roon ng kape mo. Hihintayin na lang kita rito," saad nito saka itinulak ang kaibigan
