Nagdadalawang-isip tuloy si Sophia kung gigisingin na ba niya si Manang Linda o hahayaan niya na lang muna itong makatulog marahil ay kulang pa ang tulog ng matanda kaya madali itong nakaidlip. Pero mababaw lang ang tulog nito madali niyang naramdaman na may tao sa kanyang harapan. Pagmulat ng mata ni Manang Linda ay nagulat pa ito dahil nasa paanan niya si Sophia. Pupungas-pungas pa ito ng mata habang tumatayo sa kanyang kinahihigaan.
"Kanina ka pa ba nandyan, Sophia?" tanong ni Manang Linda sa alaga habang nakatingin ito sa orasan.
"Hindi po. Kalalabas ko lang po ng kwarto." Pagsisinungaling nito sa matanda pero ang totoo ay kanina pa niya ito tinitingnan habang natutulog ito.
"Ano alis na ba tayo?"
"Kayo po? Baka inaantok pa po kayo."
"Hindi na. Gising na gising na ako. Tara na!" P
