Pagkatapos makapagpaalam ni Zoe kay Sophia ay tinuloy na nito ang kanyang ginagawa. Pinangako ni Sophia sa kanyang sarili na hindi na muna niya gagambalain si Zoe hanggang sa matapos nito ang kanyang inaasikaso. Nang malaman na ni Sophia ang rason sa hindi pagsagot sa text ni Zoe ay nakahinga na ito ng maluwag. At ipinagpatuloy na lang niya ang kanyang pagbabasa ng magazine. Bigla siya napabalikwas sa pagbabasa ng makarinig siya ng malakas na pagkatok mula sa kanyang pinto. Tumayo ito at pinagbuksan si Manang Linda.
"Gulat ko naman po sa katok niyo, Manang Linda. Bakit po ba?" wika nito habang hawak-hawak ang dibdib dahil sa kaba.
"Wala naman. Tatanungin ko lang sana kung gusto mo ng maghapunan."
"O, sige po. Sandali lang po. Sunod na po ako." Pinatay niya muna ang kanyang radyo at luma
