"Kuya, ang ganda po talaga rito sa lugar ninyo. Ngayon lang po ako nakakita ng ganitong kagandang hardin. Napakalawak po niya. Nagkikita pa po ba kayo rito?" usisa nito sa driver. Tuwang-tuwa naman ang driver sa kanya dahil parang bata si Sophia kung magtanong.
"Ma'am Sophia, malapit na po tayo."
"Okay po." Kitang-kita ang excitement sa mukha ni Sophia ng sabihin ito sa kanya ng driver.
Samantala, sa labas ng bahay ay matiyagang naghihintay si Karla sa pagdting ng bago nitong kaibigan na si Sophia. Maging si Sophia ay kabado na rin. Kabado dahil baka hindi siya magustuhan ng mga kamag-anak ni Karla bilang kaibigan nito. Hindi naman ganoon kayaman si Sophia. Pero, ang sabi naman ng driver sa kanya ay hindi naman daw matapobre ang pamilya nito. Kaya panghahawakan nito ang sinabi ng driver
