Nang makita ni Mr. Cortez ang sitwasyon ng kanyang mga tauhan ay nakapagpasya na itong magpagawa ng isang silid para sa mga tauhan na nais magpahinga rito. Hindi naman lingid sa kaalaman ng mga tauhan nito na kahit masungit ang kanilang amo ay may puso rin naman ito para sa mga nangangailangan. Nang makapagpasya na siya ay muli na itong pumasok sa kanyang opisina para kuhanin na ang kanyang mga gamit at makapagpahinga na rin sa kanilang bahay. Isa-isa ng nagsibangon ang mga pagod na tauhan ng bar. Maging si Sophia ay gumising na rin. Habang nag-uunat-unat pa ito ng katawan ay narinig niyang tumutunog ang kanyang cellphone. Dali-dali niya itong binuksan at binasa. Isang text na galing sa bago nitong kaibigan na si Karla.
"Ang aga-aga naman magtext ng babaeng ito," bulong ni Sophia sa sari
