Takang-taka si Sophia kung bakit hindi man lang siya kinausap ni Leo nang kunin nito ang vodka. Habang pabalik naman si Leo sa kanyang lamesa ay sinusundan naman siya ng tingin ni Sophia. Nais nitong kausapin si Leo kung bakit hindi na naman ito umiimik sa kanya, pero naisip niyang hindi ito pwedeng umalis sa kanyang pwesto sa bar. Nag-aalangan tuloy ito kung pupuntahan niya ba si Leo o hindi. Muli niya itong sinulyapan sa lamesa pero nang makita niya ito ay nakatulala na ito habang umiinom ng vodka. "Ano na naman kaya ang problema ni Leo?" bulong ni Sophia sa kanyang sarili. Hindi na ito nakatiis. Gumawa na ito ng paraan para makausap ang kaibigan. Saglit siyang nagpaalam sa mga kasama nito sa counter bar. Nagdala ito ng vodka para hindi siya usisain ng mga kasama nito sa counter. At nang
