Nang makaalis na si Sophia ay muli siyang kinawayan ng tindera. Nagmamadali na itong pumunta ng mall. Nahihiya naman siya kay Elsie dahil pinaghihintay niya ito ng matagal sa coffee shop. Nang makarating na ito ng mall ay dumiretso na muna ito sa parking lot. Halos napuno na ang parking lot ng mga nakapark na motor. Mabuti na lang at may nakita pa siyang bakante medyo malayo nga lang ang naparkingan ng motor niya. Pagbaba nito ay halos takbuhin na niya ang papasok sa mall. Ang daming tao sa mall kaya nakipagsiksikan pa ito makarating lang sa coffee shop.
Naaninag na siya ni Elsie sa labas ng coffee shop kaya tumayo ito para tawagin si Sophia. Nakita naman kaagad siya ni Sophia kaya nagmadali na itong pumasok sa coffee shop.
"Sa wakas dumating din!" pabirong sabi ni Elsie.
"Pasensya na
