Hindi na muna inabala ni Sophia ang kanyang sarili sa pag-iisip sa nakita nito sa coffee shop. Bago siya mag-isip ng kung ano-ano sa kaibigan ay gusto muna nitong marinig ang side ni Leo. Ang ayaw lang naman niya ay ang masaktan ang matalik nitong kaibigan na si Liza. Baka hindi niya mapatawad si Leo kung sakaling paiyakin at saktan nito ang kaibigan. Mahal na mahal nito ang kaibigan kaya ayaw nitong makitang luluha si Liza dahil lang sa isang lalaki. Hindi lang kaibigan ang turing niya kay Liza kung hindi ay isang kapatid. Marami na silang pinagdaanang masasaya at masasakit na pagsubok kaya ayaw na niya itong maranasan ng kaibigan. Habang tulala ito sa kanyang motor ay napansin kaagad siya ni Edgar, kaya kinawayan at tinawag na siya nito. Tumango si Sophia at dali-dali na itong bumaba sa
