"Salamat naman at lumabas ka kaagad," ani Manang Linda na nag-aabang sa kanya sa labas ng pinto ng kwarto. "Dati-rati kasi napakahirap mong tawagin para kumain," dugtong pa nito habang naglalakad patungong kusina.
"Ganoon po ba? Pasensya na po kayo. Sadyang napakatigas lang po talaga ng aking ulo." Saka ito tumawa nang malakas sabay akbay kay Manang Linda habang papunta sila ng kusina.
Habang naghahanda si Manang Linda ng kanilang hapunan ay muling tumunog ang telepono. At sa pagkakataon na iyon ay si Sophia na mismo ang sumagot ng tawag. Isang pamilyar na boses ang kanyang narinig sa kabilang linya. Nagkunwari siyang hindi nito kilala ang kausap. At nang hindi nito sinabi kung sino ang nasa kabilang linya ay binabaan na siya ni Sophia ng telepono. Naisip tuloy ni Sophia na bakit sa tuwi
