Pagkatapos niyang masilayan ang Ate Liza niya ay nagtungo na ito sa sarili niyang kwarto. Pag-alis ni Jeff ay siya namang labas ng ina nito sa kusina para silipin din sa kwarto si Liza. Hindi natiis ng ina nito na silipin lang ang anak. Pumasok na ito at umupo sa tabi ni Liza. Habang tulog na tulog si Liza ay hinimas-himas naman nito ang buhok ng dalaga. Hindi maikakaila sa ina na nasasaktan ito, lalo na ngayon na nakikita niyang nagdurusa ang anak dahil sa sakit sa puso. Kung pwede nga lang niyang akuin ang sakit nito ay matagal na nitong ginawa. Habang tinititigan niya si Liza ay napapaluha na ito. Iniisip niya kung ano ang pwedeng mangyari sa anak kapag nawalay ito sa kanya ng matagal. Alam niya kung gaano kasakit para sa isang ina ang mahiwalay sa sarili nitong anak. Pero iniisip na la
