Bago pumasok si Sophia sa gate ng kanilang bahay ay sinariwa pa niya muna ang halik ni Elsie sa pisngi niya. Pagkatapos ay tumawa ito ng palihim. Hindi naman niya alintana na kanina pa pala siya pinagmamasdan ni Manang Linda sa may bintana. Nagtataka naman ang matanda kung bakit hindi pa ito pumapasok ng gate. Napapangiti na lang din ang matanda sa ginagawa ng kanyang alaga sa labas ng gate. At nang hindi na nakatiis si Manang Linda ay siya na mismo ang nagpapasok kay Sophia. Nagulat naman si Sophia sa tawag ng matanda. Kaya nagmadali na ito sa pagpasok ng kanyang motor. Nang maayos na niya ang kanyang motor ay umakyat na kaagad ito at dinala na rin paakyat ang pagsalubong nito sa matanda.
Sinalubong na siya ng matanda sa may hagdan. Habang umaakyat si Sophia ng hagdan ay nakangiti pa ito
