Kahit pagod sa byahe ay bakas sa mukha niya ang kasiyahan ng araw na iyon. Pagtapat pa lang niya sa gate ng bahay ay siya namang kaway ng kasambahay para pagmadaliin siyang pumasok at sabihing maghapon ng may tumatawag sa cellphone nito. Nang marinig niya iyon ay kaagad itong kumaripas nang takbo paakyat ng hagdan. Halos liparin niya ang hagdan para makaabot lang sa kung sino man ang tumatawag na iyon. Pagkapasok niya ng kwarto ay agad-agad niyang kinuha sa tukador ang cellphone. Laking panghihinayang nito ng hindi na niya naabutan ang mga missed call ni Zoe. Kaya kaagad niya itong tinawagan pero bigo siyang makontak ito. Sinubukan na lang niyang itext message muna ang kaibigan at magbabakasakali na mabasa kaagad ito ni Zoe.
Ilang minuto rin ang lumipas pero wala siyang natanggap na kahit
