CHAPTER 18
THIRD PERSON POV
Hindi alam ni Jo Ann na habang nasa kama siya kanina at nakikipagkulitan sa video call kay Mr. U, nasa labas lang pala ito ng boarding house niya. Nakasandal sa driver’s seat ng sasakyan, hawak ang cellphone at nakangiti rin sa bawat sagot ni Jo Ann. Para bang teenager lang ulit siya, nahuhulog sa simpleng tawa at hiya ng isang babae.
Pagkatapos ng tawag, imbes na umalis, nagpaiwan pa siya roon. Gusto niyang maramdaman na kahit hindi niya nakikita si Jo Ann, malapit pa rin siya rito. Hindi naman niya inasahan na maya-maya lang ay bumukas ang gate ng boarding house at lumabas mismo si Jo Ann, nakapambahay shorts at maluwag na shirt, hawak ang coin purse.
“Jo Ann?” halos sabay silang nagulat nang magtama ang mga mata nila.
Nanlaki ang mga mata ni Jo Ann at na
