مأمنى

مأمنى 11

العقل و القلب ميزان يجب علينا ضبطه والا ستكون الخسائر في النهايه شئ لا محال منه............ فيوجد البعض من يعتمد علي عقلانيته فقط..........و البعض الذي يعتمد علي عاطفته........ و الكثير الذي يجمع بينهم...... دائما يكون الفريق الثالث هو الاكثر نجاحا و قدره علي اتخاذ القرارات ......فلا بد ان تجمع بين العاطفه و العقلانيه معا لتصبح شخصا سويا.........كثير منا يقع اسير لقلبه و الكثير يقع اسير لعقله و قسوته........ و هنا تكون المشكله بالطبع في الافراط.......نعم الافراط في العاطفه........ او الافراط في العقلانيه........

حازم اتصدم لما شاف فارس باعت صوره رغد وحسام وهما مربوطين وكاتب رساله تحتها ( فاكرهم صح اختك والولد دا هيموتوا في اي لحظة لو انتا بلغت عني هموتهم ولو مبلغتش هسيبهم وانتا شايف اهو ممكن يحصل أي في لمح البصر )

حازم اتصدم : اااي اللي حصل بالزبط انا لازم افهم

محمد وشيماء جوا

حازم : فهموني في ايه

محمد : في اي في ايه مش فاهم

حازم طلع التلفون ووراله

محمد كشر : دي حكايه طويله

حازم : انا عايز اعرفها

محمد اتكلم بهدوء : اقعد وانا افهمك بس كل اي حاجه عشان انتا تعبان وهقولك اللي انتا عايزه

حازم : انا مش عايز اكل انا عايز افهم في اي

محمد حكاله كل حاجه حصلتله من فارس من اول الورق لحد حدثه حور

حازم بغضب : يا بن الكاااااااااالب والله انا ما هيسيبك وبيهددنا برغد وحسام ماشي يا كلب

شيماء بصتله والدموع في عنيها : انا آسفه يا حازم كله بسببي لو كنت صدقتك من الاول مكنش حصل دا كله

حازم بص لها بهدوء ومتكلمش وقف مره وحده : انا نازل مشوار

حازم مشي وشيماء عيطت اووي

محمد بغضب : كفايه عياط من الصبح وانتي بتعيطي

شيماء : حازم مش هيسامحني على اللي عملته بسببي حور هنا انا السبب

محمد : كل دا مقدر ومكتوب مش هنقول لقدر ربنا لا احنا راضيين الحمد لله ربنا يقوم حور بالسلامه وكله هيتحل وبعدين اعذريه انتي مش شايفه عامل ازاي اخوكي دلوقتي تايهه مش عارف يعمل اي ولا اي فا نتي تعالى على نفسك شويه واعزريه

شيماء لسه بتعيط

محمد : كفايه عياط وقومي اغسلي وشك الحمام اهو يلا

شيماء بصتله اوووي

محمد بستغراب : في ايه

شيماء : انتا ليه مهتم بيا كدا انتا الوحيد اللي واقف جنبي

محمد مش عارف يقول اي : عادي انا بساعد اي حد يحتاجني شيماء : بس انت معايا علطول ومش بتسبيني حتى لما رحت ل فارس وعيطت انا مش عيزاك تسيبني عشان انا بقيت اخاف بخاف من اي حاجه خليك معايا

محمد مسك اديها وبص في عنيها : انا معاكي علطول ومش هسيبك ابدا

شيماء حضنته : انا برتاح في حضنك اووي يا محمد برتاح فيه مش عارفه اي السبب

محمد اتفاجأ من اللي عملته بس كان فرحان وحضنها هو التاني : وانا حضني مفتوح ليكي دايما يا قلبي عارفه لما حضنتي حازم كنت ثانيه وا**ر دماغك

شيماء بعدت عنه وهيا م**وفه : قلبك يعني اي قلبك

محمد ابتسم : قلبي وروحي وعقلي وكل دنيتي

شيماء بعفويه : انتا بتحبني

محمد : ايوا بحبك معرفش ازاي وليه بس مش عايزك الا تتحامي فيا عايزك ليا لوحدي تعرفي انك قموره اووي متعيطيش بقا عشان شكلك بيبقى عامل زي الطفل وانتي بتعيطي ماشي يا روحي

شيماء م**وفه ومش عارفه ترد

محمد ابتسم : قومي يلا اغسلي وشك وتعالى

وقفت وهيا محروجه وكان متابعها : ربنا يخفف عنك يا قلبي انتي برده تعبتي ولسه صغيره على اللي حصل دا كله يا رب قويها وكن معاها

_____________________________

حازم طلع من المستشفى نزل علطول راح البيت يشرف انه وحشته جدا

وصل البيت وملقاش حد

طلع اوضتها بسرعه فتح الباب ودخل كانت نايمه قعد جنبها وكان بيعيط : وحشتيني اووي يا قلبي سامحيني رحت من غير ما اقولك بس مش بأيدي سامحيني يا انه انا محتاجك اووي دلوقتي ومحتاج دعائك معايا في الوقت دا انا حبيت انسانه في منتهى الجمال والاحترام والأخلاق والدين بس النهارده في المستشفي بتصارع في الموت عشان تنقذ شيماء وشيماء عملت اي غير أنها ماشيه ورا فارس الكلب ودلوقتي بتقولي آسفه اسفه اي بس انا مش عايز اي حاجه غير أن حور تبقى كويسه ولا عشان انا ما صرحتهاش بمشاعري يحصل كدا انا مش عارف اعمل اي يا انه والله تعبان اووي امي اللي سابتني معرفش ليه والإنسانه اللي حبيتها بتصارع في الموت واختي اللي مش عارف اقولها اي واخويا والبنت الصغيره دي اللي مخطوفين ذنبهم اي

انه كانت سامعه كل كلمه قالها ودموعها نازله مش قادره تتكلم زعلانه عليه جدا صحيت وقعدت

وهو قعد كويس ومسح دموعه وابتسم بحزن : عامله اي يا قلبي وحشتيني

انه حضنته وهو عيط : الحمد لله انتا عامل اي وحشتني اووي يا زومي يا حبيبي كل دا كان في قلبك لسه امك برده بتفكر فيها

حازم بعياط : انساها ازاي دي كانت كل حياتي خدوها مني معرفش ليه كل اللي اعرفه اني في يوم صحيت ملقتهاش جنبي كنت هتجنن

انه : معش يا حبيبي ربنا قادر على الظالم والمفتري ان شاء الله ربنا يجمعك بيها متزعلش وينتقم من اللي كان السبب وحبيبتك مدام انتا حبيتها بكل صدق هتقوم بإذن الله انتا لازم تبقى قوي روح صلى وادعي ربنا يشفيها ويصلحلك الحال

حازم وقف : ماشي هروح وارجعلك تاني

هوا خرج وأنه ادعتله : ربنا يريح قلبك يا حبيبي ويكون معاك في شدتك دايما يارب

حازم دخل اوضته دخل الحمام واتشطفت وخرج صلى ودعا ربنا وهو ساجد بين اديه : يارب انتا عالم بحالي يا رب أصلح حالي لحال تحبه وترضاه يا رب أشفي حور وقومها بالسلامه واشفي كل مريض بيتألم يا رب

خلص صلاته ونزل على المستشفى

____________________________

في مكان تاني

الدكتور الاول : احنا لازم نعرف مين دا يا دكتور

الدكتور التاني : طيب انا هدخل اشوفه هوا حالته صعبه جدا بس هحاول اعرف هو مين

الدكتور الأول : اتفضل

دخل وأول ما قرب منه اتصدم : راشد الشرقاوي.... دا صاحب شركات ايجكت للهندسه والإنشاءات التجاريه)

الدكتور الأول دخل : في اي عرفته

الدكتور التاني : ايوا عرفته دا رجل أعمال مشهور جدا بس فين ولاده

الدكتور الاول : دا عمل حدثه والناس جابته هنا يعني عيلته متعرفش

الدكتور التاني : ماشي احنا هنبلغهم

_____________________________

حازم رجع المستشفي الدكتور كان خارج

حازم : طمنا يا دكتور

الدكتور : ادعولها تفوق في ٢٤ ساعه اللي جايين والا

حازم بغضب : أن شاء الله هتفوق

الدكتور : أن شاء الله ومشى

شيماء وقفت جنب حازم

شيماء : حازم

حازم بص ل محمد : انا واقف هنا لو عوزتني قولي

ومشى. شيماء بعياط : هو بيعمل معايا كدا ليه حازم مكنش كدا ابدا

محمد بغضب : طيب انا قولتلك مش عايز اشوف دموعك اهدي وكل حاجه بتتحل

وقف وراح ل حازم : اي عاجبك اللي هيا فيه دا مبطلتش عياط من ساعه ما ساعت ما الزفت دا عمل اللي عمله تيجي انتا تزود عليها حازم اختك محتجاك في الوقت دا خليك معاها

حازم : انتا بتقول اي اختي لو بتحبني كنت من ساعت ما قولت زفت دا مش كويس كانت صدقتني لاكن هيا لا قالتلي متقولش كدا فارس مستحيل يعمل كدا

محمد : كانت مخدوعه فيه

حازم : طيب واحنا مخدوعين احنا عارفين انو مش كويس بس هيا اللي مهتمتش بكلام حد فينا ومشيت وراه

محمد : خلاص بقا يا حازم المسامح كريم وبعدين دي اختك مش حد غريب يعني

حازم بصله وسكت

محمد : خلاص يا حازم

حازم بص ل شيماء اللي كانت بتعيط وراحلها : انا مش قولتلك متعيطيش بتعيطي ليه

شيماء : انتا مش بتكلميني ليه انا مليش ذنب

حازم حضنها : خلاص متزعلش يا حبيبي انا آسف لو كلامي زعلك

شيماء : لا مزعلنيش انا استاهل كل اللي حصل بسبب

حازم : متقوليش كدا يا شيمو كل اللي حصل مقدر ومكتوب

شيماء : طيب وحور

حازم : مالها حور أن شاء الله هتخف وتبقى تمام

شيماء : يا رب

_____________________________

حسام بغضب : اي خلاص مش كفايه عياط

رغد بعياط : احنا احنا هنموت

حسام : قولتلك متخافيش واهدى وبطلي عياط

رغد : انتا بتقول اي انتا مش شايف ان دي قنبله بتعد وهتدمرنا

حسام : شايف والله بس يا ريت لو تبطلي خوف شوي وبعدين ربنا موجود معانا وهو الغني عن كل شئ خلاص بقا

رغد : طيب انا عايزه امشي من هنا

حسام : والله يا رغد ما هي ناقصه انتي مش شايفه احنا عاملين ازاي وبعدين انتي خايفه يموتنا مش هيقدر هو يمكن عمل كدا بيهدد حد من اخوكي اخويا اي حد

رغد : طيب هما مجوش ليه وأنقذونا

حسام : هو في حد يعرف طريقنا بعدين اول ما يعرفوا هييجوا علطول إن شاء الله

رغد : يا رب يكون كلامك صح

______________________________

في المطعم

أحمد كان بيحضر حلويات وكان مدايق من اسلام اخو فاطمه لما حضنها

دخلت نيره وهيا فرحانه : هاي ازيك يا قلبي

أحمد بق*ف : عليكم السلام واي قلبي دي

نيره : اي يا احمد مالك

أحمد بغضب : وانتي مالك انتي

نيره بخبث : الا صيحيح فين فاطمه ما جتش ليه

أحمد بصلها ومشى

نيره : هههههه ات**رت احسن إياك تعجز الست هانم دي

_____________________________

في المستشفى

حازم خايف وقلقان على حور جدا

شيماء : متخفش هتقوم اهدي انتا بس واقعد

حازم والدموع في عنيه: مش قادر اقعد مش قادر عايز اشوفها

شيماء : طيب استنى هسالك الدكتور

وراحت سألته وقالها يدخل بس يلبس زي الممرضيين

حازم لبس وكان داخل محمد شافه

محمد : انتا رايح فين

حازم : داخل ل حور

محمد : ايوا بصفتك اي

حازم : عادي هدخل وبعدين انا هتجوزها اول ما تخرج علطول بإذن الله

محمد : برده مينفعش تدخل

حازم : عارف انو مينفعش بس ارجوك يا محمد عايز اشوفها

محمد بغضب : مش هينفع يا حازم

حازم رجع مكانه وقعد وهو زعلان

دخل الدكتور ل حور وخرج : المريضه حالتها بتسوء جدا القلب كان هيقف بس لحقناه وباين كدا انها مسلمه نفسها للموت جدا

حازم وقف بغضب : متقولش موت هيا مش هتموت وهتصحي بإذن الله انا داخلها

دخل عندها محمد كان داخل وراه واتفاجأ بشيماء لما مسكت ايده

شيماء بتوتر : سيبه يدخل هو مش هيعمل حاجه غير يشوفها

محمد بص ل اديها وهيا سابت ايده

محمد ابتسم : عشانك انتي بس

شيماء رجعت مكانها وهيا م**وفه منه

عند حازم دخل وأول ما شاف الاجهزه حواليها دموعه نزلت وقعد جنبها : حبيبتي انا عايزك تقومي الدكتور لما قال كدا عليكي انا زعقتله عشان انتي هتصحي وانا متأكد انك هتقومي بإذن الله يااه يا حور لو تعرفي بحبك اد اي وبتمني تقومي بسرعه عشان اعمل احلى فرح لاحلى حور في الدنيا يا حوريتي يلا بقى قومي انا عايزك تخفي بسرعه متسيبنيش لوحدي يا حور انا محتاجك وبعدها مسح دموعه وطلع تلفونه وجاب المصحف من عليه وقعد يقرأ قرآن بصوت جميل جدا

حور سمعت صوت جميل جدا وارتاحت اووي للقرآن ومقدرتش تقوم بس حاولت عشان تعرف صاحب الصوت وهو بيقرأ وهيا كلمت مستمتعه جدا بالصوت وعايزه تعرف صاحبه وبعدها حازم خلص ووقف وبعدها قرب منها واترددت يبوسها على جبينها وبعدها بعد علطول واستغفر وهيا كانت اتحرجت تفتح عنيها بس عايزه تعرف مين دا............

محمد قعد بس مدايق مش عارف يعمل اي رساله وصلتله (قررت يا باشا ولا لسه يا ريت تخلص عشان القنبله هتنفجر بيهم ودول يا حررررام صغيرين)

محمد بغضب : يا بن الكلب

ورن على واحده صاحبه

محمد : حددلي موقع الرساله دي بسرعه وإبعته

قفل وبعد شوي الموقع وصل وكان هيمشي شيماء وقفت قصاده وعيونها كلها دموع واتكلمت ببراه : رايح فين

محمد بصليها : اانا رايح عشان اجيب حسام ورغد

شيماء : بلاش تروح وابعت حد عشان فارس مش هيسيبك

محمد : يا قلبي متخافيش مش هقدر يعمل حاجه

شيماء : لا تقولش كدا عشان عارفه فارس كويس وبعدين فارس ممكن يعمل اي حاجه دا معندوش قلب

محمد بغضب : هروح يعني هروح

حازم خرج : في اي مالكم

شيماء : عايز يقابل فارس لوحده

محمد : مش لوحدي علي فكره في ناس كتيره جدا معايا

حازم بغضب : وانتا عرفت مكانه

محمد : ايوا

حازم : يلي بينا نروح

شيماء زعقت والدموع في عنيها من الخوف : لا ما هو كدا مينفعش انتو الاتنين تروحوا لا بلاش ابعتوا حد يجيبهم بلاش انتو والنبي يا حازم وانتا يا محمد مترحش

محمد : مش هينفع لازم نروح احنا الاتنين عشان نعرف نجيبهم ونطمنهم انتي خليكي مع حور واحنا هنيجي بسرعه يلا يا حازم

ومشيوا هما الاتنين وبعدها الدكتور دخل ل حور وخرج وهو مبتسم : المريضه فاقت

شيماء بفرحه : بجد

الدكتور : ايوا تقدري تدخلي تشوفيها

شيماء دخلتها بسرعه

حور شافتها وابتسمت : عامله اي يا شوشو

شيماء : مين اللي المفروض يقول للتاني كدا

حور : انا لأنك كنتي طايشه جدا وانتي ماشيه في اتجاه العربيه

شيماء عيطت : حور انا آسفه متوقعتش كل دا يحصل آسفه

حور مسكت اديها : انتي بتعيطي ليه دلوقتي خلاص انا الحمد لله بقيت تمام مفيش غير وجع خفيف

شيماء : متأكده لو كنتي تعبانه جامد قولي بدل ما نض*ب احنا والمستشفى كلها

حور بعدم فهم : ليه

شيماء كانت هتكلم وقفت. لا لا مينفعش اتكلم : ولا حاجه اخوكي يختي وقف المستشفى على رجله كل عشان مين عشان الست حور

حور ضحكت : ايوا صحيح هو فين

شيماء بزعل : راح ل فارس هو وحازم عشان يجيبوا حسام ورغد

حور بفرحه : حازم خرج بجد

شيماء بخبث : لا خرج شويه يتفسح ويرجع تاني

حور : يا رخمه خرج لا لاء

شيماء ضحكت : هههههههه خرج خرج بس مالك مبسوطه ليه

حور بحرج : عادي مش مبسوطه بس دا مدير الشغل يعني وكدا

شيماء : ااااه قولتيلي مدير الشغل وكدا

حور : طيب بقولك اي هما راحو فين

شيماء : راحو عند فارس

حور شهقت بخوف : هيعملوا اي تاني الزفت دا مش هنخلص منه

شيماء : معرفش انا خايفه جدا عليهم يا حور

حور : يا رب خير

شيماء : إن شاء الله

______________________________

محمد وحازم وصلو المكان

محمد : انا هدخل اشوف بيعمل اي وبعدها هطلع قدامه هخليه مقدرش يتحرك وانتا ادخل ل حسام و رغد فكهم وحوش القنبله وارميها بعيد

حازم : تمام

محمد دخل الفيلا علطول شافه قاعد مع مياده

وحازم راح ل حسام ورغد وشافهم وقرب عليهم

حسام بفرحه : حازم حازم انتا جيت ازاي

حازم : تعاله بس نخرج من هنا وبص ل رغد انتي بتعيطي ليه

حسام : مبطلتش عياط خالص

رغد بخوف : خايفه حاسه ان هيحصل حاجه

حسام : لا مفيش حاجه يلي

حازم : أخرجوا وانا هرمي القنبله واجي

حسام بخوف : حازم تعالى معانا وسيبها تموتهم هما

حازم : مش هينفع دا لازم يتعاقب ويتعذب مش يموت كدا بالساهل أخرجوا انتو محمد برا

خرجوا ورغد شافت محمد اطمنت وجريت عليه وحضنته : محمد

محمد : اه يا اوزعه عامله اي يا قلبي

رغد عيطت : مش كويسه خالص عايزه ارجع واشوف حور

محمد بحزن : حور في غيبوبه

رغد بصدمه : انتا بتقول ايييه غيبوبه ايه

محمد لسه هيتكلم شاف فارس ومياده خارجين من الفيلا والقنبله انفجرت في الفيلا وحااازم.....