Isinuksok ni Armano ang telepono sa pinakamataas na estante na hindi maaabot ni Annchen. Mahirap na ang masalisihan siya ulit. Nakalimutan niyang sinasamantala lang nito ang malingat siya at gagawa ito ng paraan para makatakas o makahingi ng tulong.
Tiningnan niya ulit ang ilan niyang mahalagang gamit. Wala namang nagalaw doon maliban sa ilang damit niyang nagulo dahil naghanap ito ng puwedeng maisuot. At ang paborito pa niyang t-shirt ang kinuha nito na tila alam na alam kung paano siya inisin. Kahit nga mga katulong ay hindi niya pinapahawak ang Giorgio Armani T-shirt niyang iyon at personal niya iyong nilalabhan.
Nagulat siya nang bumukas ang pinto at bumungad ang babaeng malapit niya nang mapadapa sa katigasan ng ulo. At lihim siyang napamura nang makita ang t-shirt niyang itinali s
