Nang makapasok si Armano sa banyo ay kaagad tinungo ni Annchen ang closet kung saan ito kumuha ng damit kanina. Nilalamig na nga siya, binasa pa ng mokong na 'yun ang manipis niyang damit!
Inisa-isa niya ang mga gamit nito sa closet. Puro malalaki sa kanya ang t-shirt nito dahil malaki ang katawan ni Armano bukod pa sa matangkad. Pero wala siyang choice kung hindi ang humugot ng makapal nitong t-shirt. Puwede na sa kanya ang boxer shorts nito dahil may comforter naman sa kama. Huwag lang itong tatabi sa kanya ay makakatulog pa rin siya sa kabila ng pag-aalala sa nanay niya.
Naghalungkat dim siya sa drawer nito. Nakita niya ang cellphone nito pero may password na hindi niya alam kung paano bubuksan. Kahit man lang sana makausap niya ang Mama niya malaking bagay na. Ayaw niyang su
