Mecca’s POV
Dalawang araw na kaming magkasama dito sa beach house, pero bawat umaga, parang bago pa rin ang lahat para sa’kin.
Pagdilat ng mga mata ko, ang unang sumalubong sa’kin ay ang mahinang hampas ng hangin mula sa dagat na pumapasok sa bahagyang nakabukas na bintana, at ang matatag na init ng braso ni Edward na nakayakap pa rin sa’kin.
Hindi ko alam kung bakit pero para bang tuwing kasama ko siya, mas bumabagal ang mundo. Parang lahat ng ingay, problema, at gulo sa labas ay hindi makapasok dito.
Bahagya akong lumingon at nakita ko siyang mahimbing pa ring natutulog. Magulo ang buhok niya, medyo nakakunot ang noo na parang nananaginip, pero ang labi niya bahagyang nakangiti. At hindi ko mapigilang isipin… paano naging posible na ang lalaking ito, na dati’y tila malayo at hindi ko
