HINDI alam ni Angela kung paano siya nakatulog nang nagdaang gabi ngunit wala si Torin sa kanyang tabi nang magising siya. Ang huling naalala niya ay sumandal siya sa balikat nito at niyakap ang braso nito. Magaan na hinahaplos ng mga daliri nito ang mahaba niyang buhok dahilan para makatulog siya nang masarap. Bahagya siyang napangiti nang maisip si Torin.
Hindi niya akalain na magiging gamot niya sa pagkalungkot ang isang katulad ni Torin. Hindi man ayos ang mentalidad nito, nararamdaman niya ang suporta nito.
Bumangon siya ngunit hindi natagpuan ang asawa sa loob ng silid. Inayos niya ang sarili bago bumaba sa dining area ngunit hindi pa rin ito nakita roon.
“Have you seen Torin?” tanong niya sa kasambahay na nakasalubong.
“H-hindi po,” mailap na sagot ng babae.
Ipinagtanong niy
