SA ITAAS ng tahanan, nakasilip sa bintana si Torin sa ibabang bakuran ng kanyang bahay at hindi nakaligtas sa mata niya ang pagtulak ni Angela sa kapatid nito. Naguguluhan na siya sa inaakto ng kanyang asawa. Hindi kaya nakaapekto ang pagkalunod nito isang linggo ang lumipas kaya parang ibang tao ang nakakasama niya ngayon?
Pumasok siya sa loob ng wardrobe. Sa dulong bahagi ay binuksan niya ang drawer ng mga necktie at may pinindot na buton sa dulong parte na tinatakpan ng malapad na kahoy. Isang click ang tumunog. Bumukas ang lock ng pintuan na nasa likuran ng mga nakasabit na damit. Binuksan niya iyon matapos sumuot patungo sa sikretong silid. Isang may kadiliman at hindi ganoon kalaking kuwarto ang sumalubong kay Torin. Naglalaro lang iyon sa dalawang metro na lapad at anim na metro p
