MARIE
Hindi ko sinagot ang text ni Mayor, bahala siya kung aalis siya eh di gow. Nahiga na ako sa kama ko at balak ko ng matulog sana ng nakarinig ako ng mahihinang katok sa aking pinto. Agad akong tumayo at naglakad papunta sa pintuan. Marahan kong binuksan ang pinto at nakita ko si Mayor na nakatayo sa harap.
"Bakit po?"
"Hindi mo ba ako papapasukin?" sabi niya.
Niluwagan ko ang pagkakabukas nang pinto at pinapasok siya.
"Bakit po? Ano pong kailangan mo?"
"Bakit hindi mo sinasagot ang text ko sayo?"
"Kailangan bang sagutin ko yun? Hindi naman kita mapipigilan kung gusto mong umalis." sagot ko sa kanya.
"So, gusto mo nga akong umalis?" naiinis na sabi niya sa akin.
"Hindi ko sinabi na gusto ko, ang sabi ko wala naman akong magagawa kung gusto mong umalis. Magkaiba yun." sagot ko
