Chapter 8
Gabriel
Nagising ako nang marinig ang katok ni Manang sa pintuan ng silid ko. Medyo naalimpungatan pa ako dahil nakatulog pala ako. Bumangon ako at pinagbuksan ng pinto si Manang.
"Senoreto, nariyan na po ang bisita ninyo," bungad ni Manang Meding.
"Sige, Manang. Bababa na lang ako. Ikaw na muna magbantay kay Finn dahil tulog pa po kasi,’’ sabi ko sabay tingin ko kay Finn na mahimbing na natutulog.
"Sige, Senoreto. Ako na po ang bahala kay baby Finn," tugon ni Manang saka pumasok na ito sa aking silid at naupo sa tabi ni Finn.
Inayos ko muna ang aking sarili bago ako bumaba. Nang nasa hagdan na ako ay naririnig ko ang ingay ng mga kambal at ni Gabby. Halatang excited ang mga ito sa pagdating ni Miss Areana. Pagdating ko sa sala ay nakita ko na nagpakuha pa ng mga larawan
