Lutang ako nang makauwi ako sa bahay, pagdating nga ay sa kwarto ako kaagad dumeretso upang doon pabagsak na mahiga sa kama. Hindi ako pagod sa pinagawang trabaho ni Levirence.
Sadyang napagod lang itong puso ko sa pagtibok, na kahit nasaktan sa kaninang sinabi ni Levi ay ayaw pa ring tumigil. Wala sa sariling natulala ako sa puting kisame habang paulit-ulit na naglalaro sa utak ko iyong nangyari kanina.
Matapos sabihin iyon ni Levi sa akin ay parang nagkaroon kami ng harang sa gitna, parang ako pa iyong nahiya dahil masyado kong dinamdam iyong sinabi niya. Falling for me is illegal? Saan banda?
Dahil ba sa naging relasyon namin ni Jaxon? Na ayaw niyang mahulog sa akin dahil isa akong manloloko at mapanlinlang? O ayaw lang nitobg dungisan ang pangalan niya dahil alam naman nitong isa a
