"My, God! Levirence!" sigaw ko sa kawalan nang ilapag nito ang panibagong tambak na mga folder sa lamesa ko.
For pete's sake, alas otso pa lang ng umaga. Natapos ko na ng dalawang araw iyong una niyang pinapagawa at heto, mayroon pa palang kasunod. Mas malala ay naging doble ang dami.
Sinamaan ko ito ng tingin ngunit hindi siya natinag, bagkus ay sinuklian niya rin iyon ng mainit na paninitig. Nagawa pa nitong itukod ang dalawang kamay sa tambak na mga folder.
Saka pa pumangalumbaba habang nakikipagsukatan ng masamang tingin sa akin. Iniisip siguro nitong baliw ako at sa kaniya pa nakikipagmatigasan, gayong siya itong boss dito sa opisina.
Tapos na kaming magpanggap, wala na sina Gwen at Jaxon sa paligid, kaya mukha na naman kaming aso't pusa na hindi magkasundo. Nakakairita kasi itong
