“Pero siya lang ang paraan para maging bahagi ako ng tribong ito. Isang bagay na bubuo sa pagkatao ko, Francois. Siguro ay hindi mo iyon maiintindihan dahil lumaki ka na buo ang pamilya mo. Tanggap ka agad ng lahat. Everybody loves you. How about me? Buong buhay ko pilit kong ipinaglalaban para mabawi ko kung sino talaga ako. Ipinagkait sa akin iyon. Sa amin ng nanay ko. Kapag pinakasalan ko si Sikandro, hindi lang ako ang tatanggapin ng tribo. Tatanggapin din nila pati si Nanay. Maging ang mga bata dito ay papayagan na rin nilang mag-aral. Isang maliit na sakripisyo iyon kumpara sa makukuha ko.”
“Hindi mo kailangang isakripisyo ang kaligayahan mo. Sa palagay mo ba ay papayag ang nanay mo na isakripisyo mo ang sarili mo para dito?”
Umiling siya. “Hindi kailangang malaman ni Nanay. Desisy
