Chapter 41
Raine
DAHIL sa inis at frustration na naramdaman ko matapos makita ang mga isdang kinain ng mga aso. Umalis ako ng kusina at napatingin ako sa labas. Sa fishpond ni Damon, maraming makukulay na fish na lumalangoy roon. Koi fish yata ang pangalan ng mga iyon.
Isang ideya ang pumasok sa isip ko. Mukhang puwede kong gamitin iyon bilang alternatibong almusal, naisip ko na medyo may kaunting kaba. Bahagya akong nagdalawang–isip, pero alam kong kailangan kong gumawa ng paraan. Kaya agad akong naglakad patungo sa fishpond.
Pagdating ko roon, may nakita akong net na ginagamit ni Manong sa pagkuha ng mga dahon sa pool. Ang pagkakataon nga naman, umaayon sa akin. Agad ko itong kinuha, hawak–hawak ko nang mahigpit habang iniisip kung paano ako maghuhuli ng koi. Hindi naman ito masyadon
