EMBERLYNN's POV:
Napabalikwas ako ng bangon ng isang malamig na likido ang bumuhos sa akin.
"s**t!" Pagmulat ko ng aking mga mata nakangising mukha ni Carina ang sumalubong sa akin. Naging mabilis ang aking reflexes. Isang malakas na sipa sa sikmura ang binigay ko sa kanya.
Hindi niya napaghandaan ang ginawa ko kaya, napaupo siya at tumama ang likod ng ulo niya sa poste ng kama sa likuran nito. Nanginginig naman ang buong katawan ko sa lamig. Tila nagyeyelo pa ang binuhos niya sa akin.
Hindi pa ako nakuntento, sinugod ko siya ng magkakasunod na suntok sa sikmura. Para hindi pumasa ang mukha niya. Ayokong malaman ng aming mother superior na gumanti ako. Kakampi pa naman niya si Carina.
"Hindi ka pa talaga nadadala Carina, hindi mo kaya ang lampa, payat, at duwag na katulad ko. Aaminin
