Magbuhat nang bumalik si Agnes sa villa ng mga Dela Fuentes ay palagi nang maasim ang mukha ni marina. Ang tanging masaya lang sa kanyang pagbabalik ay ang kanyang ama at si Alfie. Ngunit hindi mababakas sa mukha ng ama ang kasiyahan dahil natatakpan iyon ng malamlam na aura nito.
Nabagbag ang loob ni Agnes nang makita ang hitsura ng ama dahil tila mas tumanda pa ito kaysa sa huli niya itong makita. Ang mga uban nito ay nadagdagan. Magbuhat nang huli nitong pakikipag-usap kay Agnes sa telepono ay nanatili na lang ito sa bahay dahil na rin na-ban ito sa kagagawan ng nag-traydor dito sa negosyo.
Nasabi na ni Agnes ang malungkot na balita na namayapa na pala ang Don ng mga Villacorte na nangako noon ng isang daang milyon kay Marina. Ngayon ay nakaupo ang apat sa kanilang sala at pinag-uus
