Celestina Academy
Weena's POV
SA WAKAS ay nakatapak na 'ko sa 'king dream school. No'ng bata pa 'ko'y lagi kong nakikita sa T.V. kapag kinokomersyal ang Celestina Academy, naalala ko pa ang sabi ni Tita Risa sa 'kin.
'Celestina Academy, all girls school. Come on! Celes! Celes! Go! Go!'
'Yon ang kanta sa advertisement sa T.V. ng Celestina Academy. Sampung taong gulang pa lamang ako at gustung-gusto kong makarating do'n kaso nga lang ay walang oras si Tita sa pagsama sa 'kin.
"Hay! Kumain ka na lang, Weena. Lalamig pa ang pagkain sa kakatunganga mo r'yan," sita ni Tita sa 'kin habang ako nama'y tutok na tutok sa T.V. Nilapitan niya 'ko at hinawakan ang aking balikat habang nakangiti. "Alam mo ba na kapag may pera na si Tita ay pag-aaralin kita r'yan? Gusto kong maging masaya ang buhay
