Banayad lang ang takbo nitong van na sinasakyan namin dahil wala pa gaanong traffic sa dinaraanan namin. Tahimik lang akong nakatingin sa harapan no'ng bigla ko na lamang maisipan ang magtanong kay Mang Rudy.
"Mang Rudy, may alam ho ba kayong lugar na ang pangalan ay Sitio Luciano?" tanong ko kay Mang Rudy sabay tingin ko sa rear-view mirror nitong sasakyan dahil alam kong doon unang titingin si Mang Rudy. Ilang segundo lang ay hindi naman ako nagkamali dahil nag-angat na rin ito ngayon ng tingin sa akin sa pamamagitan ng rear-view mirror nitong sasakyan.
"Ahh oho, riyan po kasi nakatira ang manugang ko," sagot sa akin ni Mang Rudy na siyang ikinatigil ko sandali dahil parang hindi ako makapaniwala sa mga narinig ko.
"T-Talaga po? Kung gano'n alam niyo rin ho kung paano ang pumunta ro'n
