"Kyaaahhh! Kiara!" isang sigaw ang pumasok sa tenga ko na siyang kaagad kong ikinabalikwas ng bangon. Kunot-noo akong nagbaling ng tingin sa pinto ng kwarto at bumungad doon si Caresse habang nakatutop pa ang mga kamay sa bibig nito. Napailing na lamang ako dahil sa halip na matuwa akong nakabalik na siya rito ay parang naiinis pa ako dahil sa gising ko ngayong umaga.
"What the hell is that cat doing here?!!" narinig kong sabi nito no'ng ituro niya ang natutulog na si Chase sa dulo ng kama ko.
"What?" nasabi ko na lamang bago ako nag stretch para abutin ang pusang si Chase. Bahagya itong nagising kaya naman bumungad kaagad sa akin ang kulay green nitong mga mata.
"Hindi mo ba alam na malas 'yan?! My gosh! Buong araw na akong mamalasin dahil diyan eh!" narinig kong sabi ni Caresse na si
