"P-Pero paano nangyari 'yun?" narinig kong tanong ng katabi kong si Jethro. Napailing na lamang ako dahil hanggang ngayon ay naguguluhan pa rin ako sa mga sinabi niya sa akin.
"What do you mean, ikaw din?" tanong ko rito na siyang ikinabaling ng tingin nito sa akin.
"'Di ba ang sabi mo, nakikita mo ako sa visions at panaginip mo? Gano'n din ako, nakikita rin kita sa panaginip ko," sagot nito sa akin na siyang ikinakunot ng noo ko. Ilang sandali pa ay natahimik ito at para bang may inaalala...
"Tama! Nagsimula ito no'ng...no'ng araw na nabangga kita doon sa may mall. Nahawakan kita no'n at doon ako nakakita ng visions, nandoon ka at nandoon din ako," dagdag nito na siyang ikinatigil ko. Kung gano'n ay hindi lang ako ang nakakita ng visions noon tungkol sa amin, siya rin. Ngunit bakit?
"
