Tahimik lang akong naglalakad ngayon habang tinatahak ko ang daan dito sa isang hallway. Ang dulo nito ay ang kinaroroonan ng swimming pool area nitong university. Ang sabi kasi no'ng mga estudyanteng napagtanungan ko ay huli nilang nakita si Jethro sa bahaging ito, malamang daw ay maglilinis na ito roon sa swimming pool kaya siya nandito. Tahimik ang lugar at wala akong nakikitang mga estudyante na pumupunta rito ngayon, pero ilang sandali lang ay naningkit ang mga mata ko no'ng makita ko ang isang babaeng estudyante. Alam ko na kaagad na estudyante ito dahil sa suot niyang uniform, makakasalubong ko na siya kaya naman magtatanong sana ako sa kanya no'ng sandaling magkatapat na kami. Ang kaso parang wala siya sa sarili, tahimik lang siya at mukhang hindi niya naman ako pinapansi dahil der
