"Ano, masaya ka na ba?" bungad na sabi ni Mommy nang makababa kami sa sala.
Sandali pa akong napatigil sa paglalakad habang pinapanood itong marahang umuupo sa pang-isahang sofa, saka pa pinagdekwatro ang dalawang binti at tiningala kami.
Samantala ay sumunod din si Daddy sa pag-upo sa pahabang sofa bago kami binalingan ni Asher na buhat-buhat si Natasha sa kaniyang bisig, para lang kaming natulos sa kinatatayuan.
Hindi kami gumagalaw o makapagsalita man lang, naroon pa rin kasi sa akin ang gulat kung bakit sila nandito? Anong rason bakit biglaan ang dating nila na wala man lang pasabi sa akin?
Sinipat ni Mommy ang kabuuan ko, mayamaya pa nang umarko ang isang kilay nito habang pinagmamasdan kung anong itsura ko. Doon ko lang natanto na hindi ko na nagawang makapag-ayos kanina bago bum
