Hindi ko na alam kung saan pa kami napadpad ni Asher para libutin ang kalahati ng Isla Mercedes. Aniya ay kulang daw ang isang araw para malibot namin ang kabuuan nito.
Kaya ngayon ay inabot kami ng tanghali sa paglalakad pabalik sa Centro Plaza, mabuti nga at nakahiram ito ng payong kanina sa pinuntahan namin kaya hindi ganoon mainit sa balat ang sikat ng araw.
Hawak niya ang payong habang ang isang kamay nito ay ayaw nang pakawalan ang kamay ko, namamawis na nga ang palad ko dala nang kanina pa kami magkahawak at sa tindi ng init.
"Gutom ka na ba?" tanong nito at sandaling huminto roon upang lingunin ako, "Kain muna tayo."
Matapos iyon ay hinila naman ako nito papasok sa isang Restaurant na naroon sa gilid namin, iba na ito sa kinainan ko kagabi at purong sea food ang nakikita ko sa
