Pagsulong
"PASENSIYA na, Ma'am," si Rush nang nakapasok na sila sa bahay na tinutuluyan nito. Two thousand five hundred ang ang renta niya sa bahay na iyon na may isang kuwarto at kompleto sa lahat ng gamit. "Naabala pa pati si 'Tay Marcial."
"Wala 'yon," sabi ni Ariah. "Sige na, 'pahinga ka muna. Baka trangkaso 'yan. Ang taas na ng lagnat mo. Gisingin kita mamaya para uminom ng gamot. Gagawa lang ako'ng kahit ano'ng mainit na makakain mo."
"Ma'am, ako na lang bahala sa—"
"Pasok na sabi sa kuwarto!" Malakas na agaw niya at naglakad na papunta sa kusina, hindi niya na nilingon si Rush. "Magpahinga ka na! 'Kulit. Nakakatulog na nga lang kahit saan, eh." diretso sa kusina ang mga hakbang niya.
Naghanda si Ariah ng vegetable soup. Nagbalat na rin siya ng prutas habang naghihintay na malut
