Paghakbang
MAY ilang linggo na rin ang lumipas pero pakiramdam ni Ariah ay ang bagal pa rin ng oras. Ang mga tao sa paligid, ramdam niya ang mga pagkilos. Tuloy ang lahat sa kanya kanyang activities pero siya, parang stuck sa isang bahagi ng mundo. At sa bahaging iyon, parang hindi umiinog ang mundo. Parang naka-freeze lang.
Bagong araw na naman ang araw na iyon pero parang pareho pa rin ng lumipas na araw. Nakaupo siya sa paboritong puwesto sa sofa, nakatingin sa isang direksiyon na wala namang tinitingnan talaga—tagos lang ang titig niya. At ang utak, parang puno at ang gulo pero wala talaga siyang particular na iniisip.
Isa lang ang buhay na pakiramdam sa kanyang dibdib—lungkot.
Alas singko kanina, dumating si Ellah galing ng Maynila. Sa gulo ng utak ni Ariah, hindi na siya updated
