PITONG TAON. Pitong taong nasa dibdib lang ni Rush at nakakulong iyon. Liban sa boss na nakakakilala ng totoong siya, kay Lith na kababata niya at kaibigan kaya alam ang naging buhay niya, wala nang ibang may alam ng kagaguhan niya sa nakaraan.
Wala ni isang tao ang naisip niyang pagbuksan ng sarili—si Ariah lang. Gusto niyang mas makilala siya ng babae. Gusto niyang ilantad pati ang hindi magandang parte ng pagkatao niya. Hindi na siya magugulat kung mag-iba ang tingin nito sa kanya. Bahala na kung saan siya pulutin pagkatapos ng confession na iyon.
Sinimulan ni Rush ang kuwento sa pagiging ulila. Wala siyang nakilalang totoong kadugo. Maagang namatay ang mga magulang niya sa aksidente daw sa dagat sa probinsiya. Kapitbahay na matandang binata ang nakagisnan niyang ama. Singkuwenta y si
