Nakatingin lang ang dalaga sa bag niya at nag-aalangan pa kung mag-aaral ba siya ngayon o hindi. Ilang linggo rin siyang hindi nagpakita sa eskuwelahan nila. Baka nga ma mark failed na siya. Ayaw niya rin namang mabulok dito sa kuwarto niya at paniguradong gugulohin lang siya ng mama niya. Huminga siya nang malalim at bumaba na ng kuwarto niya. Nakita niya pa ang ina niya na naghahain ng pagkain sa mesa. Nandoon na rin ang dalawang Ate niya.
“Mabuti naman at bumaba na ang prinsesa,” umpisa ng Ate Lesly niya. Nakagat niya ang labi sa pagpipigil ng inis. Walang araw na hindi siya nito binibwesit. Hindi naman niya alam kung ano ang dahilan. Ang init ng ulo nito lagi sa kaniya. Hindi na lang niya ito pinansin.
“Saan ka pupunta? Aalis ka na naman? Hindi mo na ba talaga ako bibigyan ng kahihiy
