Ang bilis ng panahon at okay na si Hades pero si Mang Garu ay nasa hospital pa rin. Ganoon din si Duday. Simula nu’ng ma-hospital si Mang Garu ay hindi na umaalis sa tabi niya si Duday. Hindi pa rin siya nagigising dahil sa mga natamo niya. Sobrang nag-aalala na rin si Hades kahit hindi niya sabihin. Sa ngayon ay umaasa sila sa machine na bumubuhay sa kaniya.
“Are you okay? Ginugulo ka pa rin ba ng pamilya mo?” tanong ng binata sa kaniya. Alanganin naman ang dalaga at hindi alam kung ano ang isasagot dito. Umiling siya at ngumiti nang tipid. Tuluyan na niyang isinara ang sarili sa pamilya niya dahil naaapektuhan siya lalo ngayon at buntis siya. Kung io-occupy niya ang sarili sa pag-iisip baka may mangyari pang masama sa kanilang mag-ina. Ayaw niyang dumating iyon at lalong hinding-hindi n
