Nangislap ang mga mata ng Don at nakangiting nagwika, "bigyan mo ng masayang pamilya si Mikey. Magiging lubos ang kasiyahan ko kapag nakita ko kayong ikinakasal ni Gideon."
Natigilan si Lara at hindi agad nakakibo.
"Anak, sana magkasundo uli kayo ni Gideon para kay Mikey." Nakikiusap ang mga titig ni Don Ramon kay Lara.
"Papa, hindi ko puwedeng obligahin si Rey na pakasalan ako dahil lang sa may anak kami." Inilihis ni Lara ang tingin sa ama. Hindi pa nga siya napapatawad ni Gideon. Paano kung may mahal na itong iba at balak pakakasalan? Parang kinurot ang puso niya sa kanyang naisip.
"Mahal ka ni Gideon," wika ng Don.
“Noon ‘yon, Papa. Pero hindi na ngayon,” malungkot na wika ni Lara. Ramdam niya kasi ang malamig na pakikitungo ni Gideon sa kanya.
“Mabait na tao si Gideon, Lara. Map
