Nabuhayan si Lara ng loob at nakakita ng pag-asa. Sinadya ang nakasulat sa palaman ng burger. Nag-isip siya ng paraan kung paano ito sasagutin habang unti-unting kinakain ang burger. Nakita niya ang tinanggal niyang dalawang hiwa ng kamatis at korte itong pabilog.
Habang kumakain ay nilaro-laro niya ng kutsara ang gitna ng dalawang hiwang kamatis at pinagtabi ito at nakabuo siya ng salitang OO. Naubos niya ang burger at pagkatapos ay ang four seasons sandwich naman ang nilantakan niya. Naubos niya ito at pati na ang dalawang bote ng tubig. Pagkataps niyang maubos ang sandwich ay tumayo siya at sinadya niyang tabigin ang juice at natapon ito sa carpet.
Tumayo siya at tinungo ang bintana at hinawi ang nakatabing na kurtina. Pinagmasdan niya ang paligid na kayang abutin ng kanyang paningi
