جنة فؤادي الجزء الخامس

962 Words

جنة فؤادي الجزء الخامس #zainab_alnajar غريبه من بعد عينك يايمه محتاره بزماني يا هو اليرحم بحالي يا يمه لو دهري رماني حاچيني .. يايمه فهمني .. يايمه غريبه من بعد عينك .. يايمه محتاره بزماني قلبي لو فرح انتي فرحتي قبلي يا حبيّبه ترد الروح لو يمي قعدتي يالريحتك طيبه حاچيني .. يايمه فهمني .. يايمه غريبه من بعد عينك .. يايمه محتاره بزماني https://youtu.be/aXeqkfZ3hNQ بأيده تلفون زبيدة .. شاشته م**وره بس بعده يشتغل .، والفضول اخذه ويدور بين صفحاته .. جذبه فديو الها تغني بهاي الاغنية بصوت حزين وعيونها باكيه تجبر اي شخص يسمعها دموعه تنزل وياها وهي تحاجي امها بهاي الكلمات .. حس شگد اكو هم بداخلها وكاتمه وماتحجي او بالاحرى عايشة بوحدة ويمكن ماكو احد تحجيلة ملفات الصور مليانه صور اطفال .. وكم صورة الها اول مره ينتبه عليها .. عدها جمال مميز وجاذبية بس عيونها حزينه حتى وهي مبتسمة يحس اكو دمعه مقاومه حتى لا تنزل.. دخل لسجل الهاتف وللرسائل ولاحظ مكالمات الرقم الغريب وكلماته وحتى المدير شنو مراسلها اخذ التلفون وطلع .. راح لبيتهم بعد يومين من مرضها ومايعرف شلون يطمن عليها دگ الباب شوية وطلعتله عيونها ذبلانه _ السلام عليكم ست زبيدة .. عذريني اجيت بدون موعد .. بس حبينه نتطمن عليج .. ست وفاء هم خطية كل يوم تسأل _ عليكم السلام ابو داليا تسلم خوية . سؤالكم فرحني .. الحمد لله بخير ان شاءالله الاسبوع الجاي اداوم .. مشكور لان اخذتلي اجازة _ ادللي زبيدة انتِ غالية .. شلونه الوالد ان شاءالله احسن _ تعال تفضل وشوفه .. صحته مو تمام احاول اسويله عملية القلب بالايام الجاية ان شاءالله دخل وسلم على والدها .. ونطاها التلفون _ هذا تلفوني بعده عايش هههههه مشكور عاد ولو اخذ السيم كارت واشتري غيره _ زبيدة .. اي شي تحتاجي گوليلي بدون خوف ولا خجل امانه برگبتك _ الله يخليك ابو داليا .. ان شاءالله وادري بيك ماتقصر _ بس انتي ماتگولين حتى اذا تحتاجيني .. اعذريني بس شفت مكالمات والرسائل من رقم غريب عندج _ انصدمت وصح ضاجت لأن فتح تلفونها ماعرفت تجاوب _ تعرفين منو هذا الرقم _ لا والله ما اعرفه _ هذا احمد ناصر الي بقسم الاحصاء عندي رقمه وعرفته _ صدگ تحجي ?? .. وهذا شيريد مني .. اصلا زوجته اداوم ويانه _ هذا واحد جبان .. اعرف شلون اتصرف وياه _ الله يخليك حارث ماريد مشاكل .. _ لا تخافين.. اثنينهم راح ينگرصون گرصة خفيفة هو والمدير .. ولا راح ااثر عليج ... .. ثاني يوم داوم حارث وراح على احمد _ شلونك احمد _ هلو بيك حارث _ أگول زوجتك تعرف بيك تتصل بست زبيدة وادزلها رسائل _ هااا شنو شتحجي انت .. هاي كذابه مطلقة وتريد تلفقلي تهمه.. _ يحاجي بصوت ناصي .. ل**نك اگصه اذا تجيب طاريها ... بيوم لتمرضت تلفونها واگع وشفت رسائلك ورقمك عندي وكلهن حفضتهن .. اذا تحب هسه اراويهن لزوجتك _ هسه شتريد ياحارث .. ونزل راسه _ انت الي شتريد .. لك مو عيب عليك اعتبرها وحده من خواتك .. لبنية شريفة وماشفنه منها العيبة .. استحي على روحك.. هالمرة راح اعديها .. المرة الجاية بدون نقاش افضحك بالدائرة كلها افتهمت طلع وتركة ووجها يگلب الوان لان هو شخص جبان جداً راح احمد واعتذر من زبيدة وهي بذهول شنو الغيرة .. وافتهمت منه حارث الي مهدده اما المدير انتظر الفرصة المناسبة حتى يتخلص منه وهاي اجتي بين ايده بعد كم يوم اوراق مناقصة موقع عليها وهي مزورة .. اخذ سويج سيارته وطلع بدون مايحجي اي كلمة واخذ الاوراق وراح للنزاهه قدم بلاغ عنه ورجع اليوم الثاني الصبح .. وگف يم زبيدة _ شوفي انتقامي لخاطر دموعج راح يطلع هسه ... دخلو 4 اشخاص ببدلات رسميه سودة وسلاحهم بأحزمتهم لغرفة المدير وطلعوه بعد شويه وايده مكلبجه اخذوا امام انظار كل الموضفين زبيدة مذهوله .. وحارث الابتسامة مالية وجهه مرت الايام من جديد .. ورجع الكل للروتين.. بس صارت وفاء صديقة زبيدة كلش ودائمًا يطلعن سوه يمكن ضافت نكهه لحياتها الفارغه .. تجي يمها بالغرفه يسولفون او ياكلون وحارث وياهم .. مرات تلاحظ نظراتها لحارث وحسراتها .. عرفت بيها معجبه بي .. وخلتها تصارحها _ ما اعرف والله بدون ما اقصد تعلقت بي صرت مدمنه على شوفته _ هذا غلط حبي هو متزوج .. لا تخلي ينتبه عليج بعدين تكونين سبب مشاكل اله ،. انتِ گمر والف من يتمناج .. _ لا لا اكيد ما اسوي شي بس مو بأيدي .. شئ يخليني اسرق نظرات اله _ هههههه اي هو حلو يجبرج تباوعين عليه .. وزوجته هوايه حلوه تگولين عبالك ل**به شئ مو طبيعي البارحة ولدت خطية جابتله ولد سموه محمد ماشاء الله _ الله يسعدهم يارب .. .. بعد ماولدت دينا كان انشغالها بنفسها .. ابنها حمودي تتركة على عمتها .. وحتى اطفالها داليا وحسن ماتهتم بيهم صار عدها هوس اهتمام بنفسها وهي توه طالعة الاربعين .. دائما مكياج وملابس اوفر حتى بالبيت وگاعده بغرفتها لوحدها هملت حارث لأبعد حد صارت تخلي نومته ويه جيته حتى ماتنطي حقه الشرعي عمتها دتعرف كل هذا بس ساكته ومتحملة _ لج يمه دينا اهتمي برجلج بجهالج لا تضيعي من ايدج لشوكت ابقى اغطيلج – والله عمه هذا اني يرضا مايرضا خلي يطلگني _ هاي شنو النوب مال الطلاگ.. شو مدلله شتريدين بعد _ اي منين مدلله دشوفي خواتي وبنات خالاتي الطلعات والسفر .. ششايفه منه اني شأگوله يگولي مو طلعتج مو اشتريتي هيج _ يا بنتي الحياة قابل بس ونسة وطلعه _ الف من يتمناني وينفذلي طلباتي _ اهااا ست دينا هاي سوالف ثگيلة _ حارث هاي شوكت اجيت .. لا يمه تتشاقة مو قصدها .. دتعال تعشه دينا گاعده ورافعه خشمها _ ما اريد يمه شبعت .. الجهال وين _ داليا وحسن يشوفون كارتون وحمودي نايم _ وليش انتي تجاوبين يمه غير امهم الي تدري بيهم _ ماكو فرق يمه انا هم بيبيتهم _ گومي حضريلي الحمام .. وطلعيلي قميصي السمائي والبنطرون الكابوي _ ماغسلتهن البس غيرهن _ وشعندج ماغسلتيهن .. شو حتى جهالج متيهتهم _ هسه شرايد تريد تتعارك اوووي خلي اگوم دتگوم ولزمها من شعرها _ لج هاي عليمن هذا الاسلوب ترى ا**ره الراسج _ اي مو تايهتلك مو زين قا**ه بيك ض*بها راشدي طلع حرگة گلبه .. الضاهر انتي مو مال احترام انا اعرف شغلي وياج ضلت تبجي وتدعي عليه الله ي**ر ايدك الله لا يوفقك الا اخابر اهلي ياخذوني وامه تتوسل بيها واخذت التلفون منها حتى لا تتصل بأهلها وتحجي على حارث رجع اخذ سويج سيارته وطلع وتمنى يرجع مايلگاها بالبيت من گد ما كارهها تكظي وداعتك لا تصفنلها الناس الباعتك باجر تذلها عندك رب رحيم اتوسله وشوف شنو هل وادم وتتوسللها أخطأت يا صديقتي بفهمي فما أعاني عقدة ولا أنا أوديب في غرائزي وحلمي لكن كل ّامرأة أحببتها أردت أن تكون لي حبيبتي وأمّي من كلّ قلبي أشتهي لو تصبحين أمّي

Free reading for new users

Scan code to download app

App Store Google Play

Facebookexpand_more