هشاشة قلب

البارت الخامس

الـسـلامُ عـلـيـكـم ??

هشاشة قلب

الـبـــارت_5_

الكاتبه_العباديه.

متابعه لحسابي لوتفاً

alabadyia_09

‏إذا كـان لد*ك غـرور يجعلك تتعاقبـني

‏فـ لدي كبرياء يجعلـني أنسـى من أنـت "

~~~~~~~~~~~~~~~~~~~~~~~~~~~~~~~

ثُرىٰ

ظلينه نسولف ونضحك بالقاعه اني ونرجس وارزل بيهه لان عاف*ني امس وسولفتلهه من بجيت يمه ومامهتمين لضجة الطلاب ..

صار هدوء قاتل وأصوات الطلاب تلاشت رفعنا راسنه لگيناه هوَ دخل للقاعه ! وگفنا إحترام إله وهوَ گعدنّه بسرعه .

دخل للقاعه بس يتقدم بإتجاهي !!

شكو ليش جاي عليه !؟

وصل يمي وبإيده ورقه گال :-

- يلا ماتجين تمتحنين ؟؟

صفنت شنو أمتحن غير گال عقوبه ؟!

اني بهاللحظه الكبرياء طگني صفح كتله :-

- لا ماامتحن !!

رفع حاجبه بهدوء ع** الي بداخله

- اخر كلام عندج؟

تخيلت روحي سلطانه .. رفعت خشمي بشموخ وكتله :-

- اي طبعاً اخر كلام غير كلت ماامتحن واني أصلاً ماقريت ماعبالي تخلف

- تمام لعد .. بيج خير وتدللين

سكتت بس الخوف يشتغل بداخلي خاف صدگ يسويهه ويرسبني !!؟

خله وطلع وجهه احمر غاضب وضاغط ايده حيل حتى الورقه البإيده انجعصت مبينه الاسئله .

نرجس.. لج انتِ شسويتي هسه راح يشد وياج ويرسبج

ان*ديت بيهه عبالك داست على جرحي

- اكلج اشو هوَ كال ماتمتحنين وكلت اكيد عند كلمته وبعدين شنو اني شيكول اسوي خدامه عنده مثلاً؟

- ثول ثولج يمكن أثرت بيه دمعتج

- شدراني ؟ واني مااريد اصير لعبه عنده بكيفه يمشيني وشوكت مايكول امتحان امتحن

- ثرررياا لاتنسين هوَ دكتور اكيد بكيفه

- لا بكيفي هسه شفتي رادني امتحن ماامتحنت غصبني قابل

- بس هوَ كاللج تمتحنين وهوَ الي عاقبج

- اهوو اسكتي بس تريدين تفرضين رأيه عليه

- بكيفج ظلي لما ترسبين

- هوَ اول وتالي راسبه راسبه من وراه ابو الرزايل فالح بس يرزل بيه خل يرسبني بقت على هاي حظي واعرفه ..

اخذنه محاضرات وأي محاضره مافهمت بالي بس وياه وحاصرتني البچيه ساعه اتندم ساعه اگول لا مو بكيفه احس مشاعري مضطربه .

إجه وقت محاضرته واني خايفه اريد افلت ومااحضر بس هوَ منبه أي طالب مايحضر ينقص خمس درجات من درجته ومنا اني ماامتحنت اليوم حتى يخليلي صفر يرگع ..

ظليت طول اليوم بمكاني ماتحركت خايفه من عصبيته حيل ..

تأخر خمس دقائق ع** عادته كل مره بوقت المحاضره ضبط يدخل لادقيقه زايده ولا ناقصه هسه تأخر .

دخل للمحاضره هاااددئ حييييل ويمشي بهدوء كالعاده ورائحته الرجوليه إنتثرت بالجو .. گعد ع الميز وطلع اوراق ظل يصيح بإسماء الطلبه ويجون ياخذون اوراقهم .

شنو هالفلك شوكت لحگت تصحح ابنل ابنل هذا من ذوله الجناني السبعه .

تجاهلني تماماً ولا عبالك اني موجوده ع** كل مره اغلب نظراته عليه حتى من يشرح !

إحترگ گلبي الصراحه ومتت من الحرگه هم من صاح بإسم ساره وطلعت ماخذه درجه كامله ! الوحيده بالقاعه درجه كامله واليوم وجهه ضاوي وحلو ويشع من النظاره مامخليه مكياج ولابسه حجاب أميره والله زين وأثرن بيهه رزايله هم جايبهه بسامير ع المكياج لما عدلهه .

إبتسملهه ومن رادت ترجع مدري شحچه وياهه واشرلهه ع الكرسي اليم الميز مالته .. كعدت بيه وصارت بصفه !!

ظليت اغلي من الحرگه .. صاح بإسم نرجس وراحت تستلم ورقتهه والصدمه جانت راسبه !! ردت انتحر يعني اني صار بيه هيج علمودهه وترسب !! ياحوينتك يثرى ..

هيَ بعدهه يمه وشهگت من شافت درجتهه هز راسه بأسف الهه ونظراته شماته .. رجعت لمكانهه ..

ظليت ألوم بيهه

- لج رسبت من وراج ياحقيره ليش هيج ليش

- ثريا اسكتي عني ماشفتي اسئلته ت**ر ت**ر وباعي التصحيح ناسيتلي كلمه مأشرلي عليهه وكاتب ناقص درجتين ولج راح اتخبل فوگ الاسئله فوگ التصحيح

- اسكتي لا هسه انتحر من الچربايه

- والله راح ابچي بلكي تأثر بيه دمعتي مثلج

- ديربالج النوب تفشلينه خل نكمل وياه راح نترزل

ظلينه نباوع ودرجات الطلاب اكثرهه رسوب .. ظل يعيط عليهم ويصيح

- ليش يعني شرحي بيه شي وهيج راسبين يعني بس ساااره !! سااره ماخذه درجه كامله شنو فرقها عنكم ؟؟ غير هم طالبه حالهه حالكم بس هوَ الغباء أنواع

اهو هذا كام يض*ب بيهه مثل واني اتخبل من هاي الحاله

طلع من العلاگه مال الاوراق هديه مغلفه !!

عبالك كارتونه جبيره ومغلفهه بطريقه تچتل ..

حچه كلمات فصيح وانطاهه شهاده تقديريه والهديه !!

متتتتتتتت اخخ كلبي راح اكوم ارفسهم اخليهم طشاار .

كال :-

- بعد كل شهر هيج اسوي كَـ تشجييع الكم كل واحد ياخذ درجه كامله نكرمه

رجعت ساره لمكانهه وتتفاخر وتضحك طايره من الفرح .

ظل يصيح بإلاسماء ويجيبوله الورقه ويردوله الدرجه وينزلهه بالسجل ..

اني إسمي وره تماظر صاحهه واخذت ورقتهه اله ووراهه صاح ثُرىٰ وگفت عبالي اني بس كال (ثُرىٰ أمير رسول) گعدت بيأس والفشله ماكلتني .

كمل الاسماء كلهه وبس اسمي ماصاح بيه اني رفعت إيدي ووگفت كتله :-

- إستاذ اني ماصحت بإسمي ؟؟

ماباوع بيه يرتب بالاوراق كال بدون مبالاه وصوت مستفز يستهزأ بيه

- عاجبج الصفر مثلاً؟؟؟

حسيت صاروخ إجه طاير ودخل بوسط گصتي طير الجبهه كلهه .

گعدت بمكاني وداخلي يفور من الحرگه ..

طلع واني ان*ديت بالبچي اني الدراسه خط احمر اكثر شي ابچي من اترزل ومن ارسب جانن مدرساتي قبل متعودات عليه مايرزلني ومايرسبني واذا ارسب يعيدن الامتحان اليه لان من الاول ابتدائي كله اولى على شعبتي بس من وصلت للسادس صعب حيل ف طلعت حي الله معدل .. رغم بالخامس اني معدلي 96.5.

نرجس.. عوضي ع الشهر الثاني

- يريد يرسبني ياشهر ثاني هذا

- خلي عنادج يفيدج ياأُم كبرياء

- نرجس شو كومي عني . ووخري

ظليت احوم وميته حرگه بس انه الك اذا بعد دخلت محاضرتك فلا اتسمى بأسمي

رحت ثاني يوم للكليه ومادخلت محاضرته خلصتهه كله بالحديقه وبالكافتيريا ونرجس وياي..

اصفگ هيَ هم تصفگ وياي .

ظليت إسبوعين ماادخل محاضرته وياريت ماسويتهه ..

بهالاسبوعين إمتحنه كل المواد البقيه وكلهن اخذت بيهن درجه كامله او اقل من الكامله يعني انعرفت بين الدكاتره شاطره وأثبتت جدارتي ..

بعد إسبوعين هروب وعناد انلزمت بالامتحان مال الشهر الثاني ..

نرجس.. اكلج باجر الامتحان اني ولاطگه كلشي ماكو هسه شلون انجح؟؟ شورطني واجيت وياج امداني

- شو اسكتي خل افكر بحل لروحي داحس عقلي طابوگه مصكلكه

- نروحله هسه يشرحلنه بس المهمات؟؟

خزرتهه ورفعتلهه اصبعي السبابه اهددهه

- ديربالج تفكرين ولو تفكير فهمتي ؟؟

- جا شلون هسه؟

- راح ادخل دوره عند صديق سمعو هم مدرس جامعي

- واني ياخاينه؟؟

- تعالي وياي

- شكد سعر الدوره؟

- خايبه ببلاش قاطينه دوم يقري مروه لخاطر سمعو كله بلاش

- خوش بيش الساعه؟

- اني اخلي اسماعيل ياخذني بالليل لان ماعندي وقت تكدرين تجين بالليل؟

- اي اي اجي

- خوش بس منين ماده؟

- هسه ناخذ ملازم

رحنه فرينه القاعه كلهه ولا واحد قبل ينطينه !!

شلون نقره هسه !!

- ولج نرجس شلون بينه

- خل اشوف ساره

راحت نرجس لساره اشوفهه تتوسل بيهه وماقبلت تنطيهه اجتني كالت :-

- ماتنطي

- ماسألتيهه ليش؟؟

- هوَ گايللهم !

- ايا حقير يانذل

- اسكتي ام ل**ن الحيطان الهه إذان

- هسه اني عفت العالم كلهه ماعاندت الا ابو خاولي خرب عمي

عقلي يكاد يتمزق بين منين اجيب الملزمه وشلون امتحن واني مافاهمه شي ! إحساسي مُقيت حتى فتاتهِ بسبب رعونتي وإختياراتي الخاطئه .

نرجس...اني رايحتله اخذ منه ملزمه

استسلمت وماكو خل غير هذا أيدتهه وكتلهه تروح لمكتبه وتگله ع الملزمه .. راحت ورجعت وره شويه وجهه مايگصه الطبر

- ها شنو؟

- رزلني وطردني جا شنو شمتوقعه مثلاً؟؟

- خرب يومه شكد راسه يابس وأخبث خلق الله.. شكاللج غير تحجين

- اول مادخلت يكلي :-

( ها دزتج وليش مااجت هيَ حضرة رفيقتج )

اني كتله :-

(لا دكتور اني جايه اخذ منك ملزمة مادة الامتحان)

رأساً أشرلي ع الباب وكالي بإسلوب مستفز :- (اطلعي بره واليصير برفيقتج يصير وياج)

كله من وراج ثريا والله ورطتينا ليش هيج ليش هسه شلون نقره .

ظليت آكل بأظافري من الخوف وكل القوه والعناد تبخر اذا طلعت دور ثاني قتلي حلال اذا مو اهلي يقتلوني اني اقتل نفسي وين الدروس البقيه كله درجات عاليه وهسه ارسب ؟؟

اتذكر مره بالرابع إبتدائي طلعت من الامتحان بيه غلط واحد وظليت يومين معتكفه وكلساع اجي اسأل امي اخذ ١٠ ؟ وهيَ تكلي لا تاخذين ٩ واني اظل ادك والطم ابجي وهمه يصحكون عليه .. منا لااسبوع طلعت النتيجه وهمزين طلعت ١٠ . هذا الموقف شاهد على مستواي وماانساه للموت ..

ولحد الان بس درجه تنزل ارجع ابجي واعتكف يومين منا لمن تجي النتيجه واشوفهه ..

بس ويه القاسي احساسي ميت ماادري ليش بس هسه شويه بلش ضميري الدراسي يأنبني ..

مااريد اروحله اكيد مصيري مثل نرجس مطروده !

نرجس.. شنو رأيج نروح للشباب ناخذ منهم تره حبابين

- لج اني واعده نفسي مااطخ بأي شاب

- لج بس نستنسخ ملزمه وحده عاد

- ديلا امشي

رحنا لواحد حباب ويانه انحطيت براس المدفع ورحتله اول شي ابتسمت بشكله الجربوعي وكتله :-

- حباب انطيني ملزمتك بس استنسخهه ع السريع

شكله چنه فاهي وضعيف وطويل يعني جربوع اصلي گال بفهاوه وفاتح حلگه متر خفت لاتدخل بيه ذبانه

- الدكتور ميقبل

ظليت انفخ بيه واصبغه

- افاااا انتَ زلمه تخاف من الدكتور ؟

- لا طبعاً

- جا انطيني استنسخ

- يلا خوش بس بسرعه رجعيهه

- قابل اكلهه لاتخاف

لگفتهه منه وطياره للمكتبه استنسخت الماده وهوَ يمنه بس يوزع ابتسامات گوه لزمت روحي ماضحكت بس انعم الله عليه انطانياهه كملنه ورجعناهه وبعدهه استنسخنا لنرجس والولد صافن بينه واحنه بس نضحك فرحانين ..

بست نرجس بخدهه بكل قوتي وضحكت بيهه حنان يغمرني حتى النخاع :-

- ولج الخطه فادت والله هذا مبين على نياته خطيه

- اي والله ههههه خطيه

بعدنه نسولف ولمحته كاعد ع الطاوله المقابلينه وگدامه كتاب وكوب قهوه !!

يباوعلنه بإستهزاء ومبتسم جانبي !

رأساً جمدت وباوعت بنرجس

- نرجس هاذياه خرب شلون هسه

- ييحح شافنه بس خليه ينضغط مو بحاجته احنه

- اي والله

مر من يمه الولد وهوَ صاحله !! ظل يحجي وياه وعينه علينه !

- ولج خاف راح يرسب الولد

- توقعي كلشي بس المهم احنه اخذنه النريده خل نطفر يلا نرجس بسرعه سوي انسحاب تكتيكي .

شلنه جنطنه واشرد اخوي عاامر خلينه بس الگباره مال التراب ورانه .

طلعنه من المكتبه وخلص اليوم ..

رجعت بدون غده رأساً بدلت ملابسي وطلعت الملزمه وسچيت اقره واقره .. استراحه وحده ماخذت حسيت عيوني كامت تغزل من كد مامركزه بالكتاب گمت اشوف الكلمه خمسه .

اريد الهديه الي هذا الشهر .. بس اريد اشوفهه شنو. واعرف شنو ذوق القاسي ابو خاولي .

كملت قرايه الدرخي .. والشرحي عفته بالليل خابرت نرجس واحذنه اسماعيل لصديقه .. هم شرحلنه شرحه يخبل بس مايوصل لاابو الرزايل ذاك وين شرحه يدخله بال*قل گوه .. بس اسئلته ت**ر والتصحيح ت**ير مثل ماسمعت لان مامتحنه ومامجربه الامتحان عنده .

كمللنه شرح الساعه بـ12 بالليل كد ما الماده هواي وصعبه .. رجعنا ونرجس اجه عليهه ابوهه ذبنه بالباب وراحوا .. دخلت للبيت مامكتفيه من القرايه .. رحت لتقوى وخليتهه تعيدلي كل الماده هم بقينه للـ2 نمت وكعدت بالـ6 هم راجعت ..

هاي كل إمتحان هيج جدولي بس ماكو استاذ يشرحلي مثل صديق سمعو لو تقوى لو اني اسوي نفسي مدرسه واشرح لنفسي واسطر مخاد يمي عود طلاب .

ضبطت الماده ضبط العگال مثل مايگولون .. وتريگت واخذني إسماعيل مثل كل يوم .

التقيت اني ونرجس وضابطين الماده مااحلانه ..

دخلنه للقاعه دائماً يحب يمتحنه اول محاضره ..

كعدت بكرسيي مشتاقه لمحاضرته .

لحظات دخل وجهه مايگصه الطبر والحواجب معكوده كالعاده وبس يخوزر ..

وزع الاسئله وبلشت ساعة الصفر .. اني بهيج مواقف اظل ارجف والخوف يتملكني وانسى كل القريته اذا شفت الاستاذ معصب .

شفت الاسئله وعقلي جمد هذا وين وشلون قريته وشوكت ماادري ؟؟

ياعلي هسه اتذكر ماكو !! عقلي وينك سويلي إمدادات رحمه لربك .

اسئلته ت**ر جايب كله من بين الاسطر ومن الملاحظات الصغيره بأسفل الملزمه اني متأكده هذا راضع وي الجني الاسود .

اكو كم سؤال اعرف احلهن حليتهن وفرحانه .. تذكرت الماده وحليتهه ع السريع خلصت اول وحده وسلمت ورقتي تفاجئ !

باوعلي بنظرات مستغربه ! وكأنما يگلي متأكده !؟ مامتوقع اسئلته الت**ر احلهه بهالسهوله ..

خلصت وطلعت انتظرت نرجس طلعت وتبجي ماحاله الاسئله والطلاب كلهه تشكي ومحد حال من صعوبةاسئلته خفه ويهك شدعواك عمي حط رجلك بالگاع ..

~~~~~~~~~~~~~~

ثاني يوم إجه مصححهن .. طبعاً اكثر فقره احبهه يصحح ع السريع .

ظل يوزع بالاوراق واني متحمسه واضحك رغم كلهه خايفه وتدعي بس اني متأكده من اجابتي ..

صاح بإسمي رحت اضحك بس هوَ نظراته هم تضحك ؟! ويستهزأ بيه بنظراته ياا شبيه هذا ؟!

مد الوقه عليه واني اخذتهه باوعت بيهه وإنصدمت راسبه !!!

شهگت ووجهي نط !

ظل يقوس بحواجبه عود ماادري ومبتسم جانبي ؟!

رأساً عطت بخوف وهلع

- إستااذ هاي ليش اني حاله ؟؟؟

رمقني بنظرات إستهزاء وإستصغار وزفر نفس بنفاذ صبر كال ببرود :-

- والله هاي اجابتج شنو ليش بعد؟

- والله حاله

- الورقه يمج وشوفي الأجابه

رجعت لمكاني مصدومه واباوع بالورقه ارجف .

يعني كله سؤال صفر بس مأشرلي على إسمي وحاط يمه 3 درجات !!

عود هاي ع الاسم الدرجات والإ انتِ ماحاله !!!

شفت إجاباتي كله خطأ .. يعني المتوقعه عندي صحيح كله غلط خطوه وحده مخليه الحل صفر ..

شمرت الورقه وظليت ابجي لهسه انعس من التعب مانايمه بس ساعتين وعيوني تزرفت وتالي راسبه وسؤال ماحاله ؟!

ظليت اناشغ وابجي بحرگة گلب .. وهوَ مستمر يوزع بالاوراق .. اجت ورقة نرجس ناجحه !وساره درجه كامله !! ظليت الطم على راسي ومن شفت شلون طار بساره وهم إلهه الهديه وگعدهه يمه زادت الشهكه والبواجي !هم من الغيره وهم من القهر .

نرجس.. ثريا وجهج صار دم شبيج كافي

ظليت امسحي دموعي بإيديه وينزلن غيرهن استغربت حتى ماانطاني خاولي

كلما اتذكر ابجي والله قهر ..

ظل يباوع عليه مخنزر ويزفر انفاسه بعصبيه !

نرجس.. ثريا كافي

كلما تحجي ازيد بجي

- والله ظلم هذا التعب كله يروح هباءً منثوراً ليشش كله من وراه لان زل ل**ني بكلمتين غلط

شويه وسمعنه العيطه مالته يرزل بطالبه !

- انتِ تغشميني عبالج ماحافظ الاوراق هذا حل جديد لاتقنعيييني

دموعي وحدهه وكفت منا الرهبه .. كام يعيط بعلو صوته ويض*ب ع الميز .. يمكن البنيه حاله هسه وكايلتله حاطلي خطأ وهوَ لوتي بسرعه كشفهه .. البنيه ظلت تبجي ورجعت لمكانهه وهوَ عصب كال لساره :- لمي الاوراق ع السريع بس ابقى بهاي القاعه بعد لحظه نجلط

لمت الاوراق واني ماانطيتهه ورقتي التفتت عليه وكالتله وهيَ تمط بالكلمات

- إسسستاذ ثُرىٰ متنطيني ورقتهه

باوع عليه وكالهه :-

- خليهه عدهه

حل والله كبسه بطعم القيمه .

ظل يباوع بيه واني هم ظليت اباوعله ومن تذكرت الصفر وعلى اسمي 3 درجات حصرتني البجيه درت وجهي عنه ورجعت ابجي ..

اخذ الاوراق وطلع رأساً اخذت ورقتي وطلعت وراه ركض ..

الورقه بإيدي واني متأكده نص إجاباتي صح بس هوَ معاديني .. هذا كل إعتقادي .

رحت للمكتب مالته دكيت الباب ودخلت بعد سماحه الي ..

كتله :-

- إستاذ هذا السؤال عندي صح !

كال بنتر :-

- وشمنطيج اني؟؟

- كله خطأ

- اي إذن خطأ

- بس عندي صح

- اذا رايحه ماسحه الخطأ وكاتبه صح مثل هاي الطالبه قسم بالله امثل بيج وافرفر فصلج بكل الكليه

- لا لا والله مااسويها لو اموت

- تعالي هنا

أشرلي ع الميز ورحت يمه ع الميز حطيت ورقتي يمه ودنگ عليهه .. رفع راسه عليه وكاللي :-

- اسمعي قبل لااشوف شي اذا طلع خطأ واني متأكد خطأ لان ادقق كلش زين بالتصحيح اسحب الـ3 درجات الحطيتهن ع الاسم فقط وتصير درجتج صفر

بداخلي خفت بس اني هالايام طاگني الكبرياء گتله :-

- اي ميخالف

- ماشي

دنك يدقق بالسؤال والاجابه واني واگفه يمه عبالك جثه محنطه .. رفع راسه عليه وكال :-

- ها شگلت؟؟

- ها إستاذ شنو؟

- كله خطأ

- ليش؟؟

- تعالي خل اشرحلج .. اولاً هاي الخطوه مو هيج هنه اجابتين متشابهات اني مااريد هاي اريد الطريقه الاولى وهي هاي ..،

ظل يشرحلي واني مصفصفه ونفسهه هاي قرانياهه صديق إسماعيل !!

ظل كل سؤال يطلعه ويشرحه إلي ويطلع خطأي سواني صفر وختمهه بكلمة

- هوَ إنتِ من الاصل ماقاريه شلون تجاوبين

- ييع والله العظيم قاريه

- اشش مااريد تحلفين جذب ماكو داعي وهسه الـ3 درجات اسحبهن وهذا شرطي عليج

اخذ قلم وراد يشخط الورقه مااعرف شلون مديت إيدي على إيده وسحبت القلم !!

رفع راسه خزرني خلاني ابچي من خزرته القويه .

ظليت اشهگ وابچي هم على التعب والسهر مال القرايه وهم على مواقفه وياي .

- إستاذ فدوه خل اعيد الامتحان والله كل درجاتي كامله بس بدرسك

- حتى بعد تغيبين عن المحاضره اسبوعين

دنگت وسكتت ..

أردف

- إذا انتِ مقاريه شلون تريدين تجاوبين؟؟

انتفضت

- والله العظيم مانايمه من الليل بس ساعتين و4 مرات قريت اول شي قريت لوحدي وبعدين قراني إستاذ صديق اخويه وبعدين اختي وگعدت من الصبح راجعت

منفعله وابجي واعد بأصابعي .. گال بهدوء

- منو صديق اخوج؟؟

- إستاذ جامعي هم يفهم واخذني اله شرحلي

- شنو اسمه شكد عمره؟

- إسمه حيدر بس مااعرف اسم ابوه .. وعمره بنهاية العشرين يمكن

شمر الورقه من إيده وخنزر عيونه كال بنتر :-

- لعد روحيله خل هوَ ينجحج !!

جاوبته بغباء

- مو بجامعتنه !

- مشكلتج

- أستاذ شتخسر انتَ اني اقره والله راح اشد حيلي يعني هسه شهرين راسبه حرام اعيد سنه علمود درس

لزم القلم ويفر بكرسيه ويحجي بإستفزاز

- اولاً اخسر اخلي اسئله وثانياً اصحح وثالثاً انزل بالسجل

ابتسمت والدموع متلألأه بعيوني

- استاذ اذا تريد اصحح واني اخلي الاسئله بمكانك

- تعالي فد نوب اخذي مكاني كله

- هههه

ضحكت ضحكه مصطنعه بس كون يقبل سادت فترة **ت **رتهه بسؤالي

- ها إستاذ هسه ؟

- من تبطلين تگولين إستاذ اعيدلج الامتحان

- مااگدر والله

- بكيفج

- احاول مااكول

- اي ميخالف حاولي

بالاحلام يحبيبي يريدني اكول دكتور هذا حلمه بعيد وايد

- ماشي .. يعني اقره لباجر؟؟

تن*د وباوعلي بعدم رضا ونتر :-

- اقرري بس امتحنج بالاداره الچبيره

- اي .. بس أسئله سهله استاذ عفيه

رفع حاجبه وإبتسامه طفيفه مرسومه على شفتيه الناضجتين كحبتي البرقوق .

- صاحبك حلو لاتاكله كله

- هههه

ضحكت واني متفشله .. منتصرين رغم الألم

يتبع..

عـبـرات الـعـبـادي??