مالك قلبي

رأيته اول مرة عندما دخل المشفي ، فمنذ اللحظه الاولي علمت انه عربي، ظننت انه مريض ولكنني علمت بعدها بوقت قليل انه طبيب جديد تم تعيينه معنا بالمشفي، في تلك اللحظه حقا شعرت بسعاده تجتاحني لانني كنت اشتاق لأحد عربي اتحدث معه بالعمل، وفرحت اكثر عندما علمت انه مصري الجنسيه فذهبت لغرفته لكي اتحدث معه، كم كنت حماسيه للغايه وقتها وعندما رآني شعرت انه يتعجب مني ولم اعرف لماذا .... -ممكن ادخل -اكيد اتفضلي -انا دكتورة حور زميلتك في المستشفي،لما عرفت ان حضرتك عربي وكمان مصري حبيت اجي اتعرف بيك لان الكلام بالمصري وحشني جدا -اهلا وسهلا انا سليم اتشرفت بمعرفتك ومبسوط اني لقيت حد عربي هنا وكمان مصري زيي ف اتمني نكون صحاب خاصه اني لسا معرفش حد هنا -اكيد طبعا وبما اننا صحاب ف مفيش القاب بينا واي حاجه تحتاجها كلمني علي طول -اكلمك ازاي -دا الكارت بتاعي فيه ارقامي كلها وقت متحتاجني كلمني -شكرا مقدما ياحور متعرفيش انتي خدمتيني ازاي انا كنت قلقان من موضوع اني مش هبقي عارف حد ف الاول كدا -انت لسا جاي امريكا اول مرة صح -اه كنت شغال ف مصر وقررت اسافر وابعد ودكتور صاحبي عايش هنا بس ف واشنطن هو اللي جابلي الشغل دا هنا -سبحان الله حد عايز يبعد عن بلده وحد نفسه يشوفها تاني -انتي منزلتيش مصر من امتي - ولا مرة لاني مولوده هنا وعايشه هنا طول حياتي بس نفسي انزل لاني مفتقده يكون ليا عيله ياسليم الحياه هنا حلوة لو عايز تنجح هتنجح بس لو وحدك وملكش حد تشاركه فرحك وحزنك صدقني هتكره البلد واللي فيها، بلدك اللي فيها اهلك اي كانت ايه -ليه انتي عايشه لوحدك هنا -هنكمل كلامنا بعدين اكيد هنقعد مع بعض تاني اسيبك تشوف شغلك - طيب انتي ساكنه فين -ساكنه في ***** -انا قريب منك علي فكرة انا ساكن في **** -كمان طلعنا جيران خلاص لو حابب نروح سوا بعد الشيفت مايخلص -تمام هستناكي اهو بالمرة تعرفيني علي البلد -حاضر يلا باي باي -باي تركته ولم اكن اعلم ان حياتي ستتغير تماما بسبب قدومه لم اكن اعلم ان هذا الشخص سيجعلني اشعر بجميع المشاعر التي نعرفها السئ منها والمحبب،لم اكن اعلم ان قدومه سيكون كالموج الثائر الذي اقتلع زهرة كانت تنمو بهدوء علي شاطئ فجذبها لاعماقه حتي اختفت تماما،عبث بكينونتي وبعثر كياني وجعلني ادرك ماهيه الحب بكل تفاصيله ولكن احببته..... -اخرت عليك -لا ابدا يلا بينا -حابب نتمشي ولا نروح بعربيتي -اللي يعجبك -تعالي نروح بعربيتي وبكرة اسيبها ف البيت ايه رأيك -موافق طبعا -طب تعالي انا ركناها هناك اهي -دي عربيتك -اه مالها وحشه -لا جميله جدا بس مش باين عليكي انك ليكي ف العربيات الرياضيه -انت لسا متعرفنيش عموما ياسيدي انا بحب العربيات اوي وارثه الموضوع دا من بابا يمكن ناس تشوف انها غاليه بشكل مبالغ فيه بس بجد بيبقي زي الهوايه اللي بتمارسها بحب وانا بحب العربيات -انتي والدك متوفي -اه اتوفي هو وماما في حادثه،علي حسب التعليم المصري كنت ف ثانوي،بس ولان ماما امريكيه ف انا وبابا كان معانا الجنسيه ودا سهل حياتي هنا -طب واهلك ف مصر -معرفش حاجه عنهم غير انهم من الصعيد وكان في مشاكل بين بابا واهله ف قرر يسافر ويبعد واتعرف ع ماما واتجوزها وكانوا بيتجنبوا يحكولي اي تفاصيل عن اهله يمكن علشان كدا متشجعتش اني انزل مصر لاني مش عارفه هدور علي مين وفين -اسم باباكي ايه -شريف الدمنهوري -عيله الدمنهوري اللي ف الاقصر -مش عارفه بس تفتكر هم -بصي لو هم سهل اتأكد في خلال يومين لاني من الاقصر -ايه الصدف دي -يمكن ربنا خلاني اجي هنا علشان اكون سبب اجمعك بعيلتك -يارب ياسليم نفسي اشوفهم اوي واحس بأحساس العيله واللمه، وانت ليه حبيت تبعد وجيت هنا -عادي مشاكل -لو حابب تحكي انا هسمع -مش دلوقتي بس اكيد هحكيلك -ماشي وانا مستنيه ويلا علشان وصلنا انت بيتك فين بالظبط -هو اللي هناك دا -اها طب انا عازماك علي الغداء عندي النهارده وعلشان تعرف بيتي كمان -مفيش لزوم مرة تانيه -ياسيدي مفيش مره تانيه ومرة تالته هتيجي تتغدا معايا يعني هتيجي ومتقلقش انا مش عايشه لوحدي -اومال عايشه مع مين -تعالي وهتعرف -امري لله ماشي ..... -اتفضل ادخل،يادادا -حمدلله علي السلامه ياحبيبتي -اعرفك يادادا بسليم زميلي ف المستشفي ومصري -ازي حضرتك يافندم -اهلا وسهلا ياحبيبي شرفتنا وبلاش افندم دي قولي يادادا زي حور انت زي ابني -حاضر يادادا -انت منين ف مصر -من الاقصر -الاقصر.. -اه يادادا دا كمان احتمال يكون عارف عيله بابا قال في عيله اسمها الدمنهوري ف الاقصر -لا مش هم ومش هي البلد وقولتلك كتير تنسي مصر خليكي ف حياتك وشغلك هنا -يادادا بس... -مبسش ياحور انا اه مجرد شغاله عندك بس انا اللي مربياكي وابوكي موصيني عليكي انا اول واحده شالتك علي ايديها لما اتولدتي قبل ابوكي وامك فدا ميدنيش الحق باني اوعيكي؟ -يادادا متقوليش كدا تاني انتي عارفه انك ليكي حق واكتر من كدا انا اسفه متزعليش مني -خلاص ياجماعه حصل خير -ايه دا سليم انا للحظه نسيتك واندمجت مع دادا -معلش يابني هي دايما مغلباني كدا،دقايق والاكل هيكون جاهز -حور انتي بتحبيها اوي كدا -طبعا هي اللي ربتني مع ماما وكفايه انها من ريحه بابا -ربنا يخليهالك بس مش شايفه انها غريبه انها مش عايزاكي تدوري علي اهلك -بص انا ساعات كتير بحس انها مخبيه عني حاجه حتي لما بابا كان عايش كانت دايما بتتصرف زيه ف الموضوع دا وكأن كلامهم واحد بالظبط بس بعد بابا وماما متبقاش غيرها معايا ومش بحب اشوفها زعلانه بحس ان بابا زعلان مني -ماشي -مش هتقول برضو حبيت تبعد ليه عن مصر وتيجي هنا -شكلك فضوليه صح -اه جدا الصراحه -طيب هحكيلك زي محكتيلي،بأختصار كنت بحب زميلتي ف الجامعه ويوم ماقولت هتجوزها اهلي كلهم وقفوا في وشي ورفضوا وقالوا هتتجوز بنت عمك وانا رفضت بس الموضوع اتحول لضغط لحد م وافقت اتجوز بنت عمي بس مقدرتش اتحمل الوضع دا كتير واخدت قرار اني ابعد وجهزت اوراق الطلاق واديتها لأمي وقولتلها بكرة ادي الورق دا لصفية وطبعا فهمتها اني مسافر القاهرة يومين وراجع ومتعرفش انه ورق طلاق متوقع مني،بس وكنت حاجز ف نفس اليوم الطيارة وجيت وطبعا اكيد الدنيا مقلوبه عليا ف مصر بس هم اللي اضطروني لكدا -هو في ناس عقليتهم لسا كدا -في ابشع من كدا ياحور -طيب ومش بتفكر في حبيبتك هي اسمها ايه -اسمها تقي -اسمها جميل طيب مش بتفكر تتجمع بيها تاني -مش عارف،هي اتأذت بسببي كتير واظن هبقي اناني لو قررت ارجعها حياتي وبعدين هي ليها حياتها اكيد هتلاقي حد احسن مني يعوضها -ربنا يعوضكم انتم الاتنين،بس ليه مدتش صفيه فرصه -انا بعتبرها اختي دايما وجوازي منها اتفرض عليا وكمان بحس انها مش شبهي -طيب خلاص انسي وابدأ حياتك هنا من جديد وانا هساعدك تنجح - شكرا ياحور علي وقفتك دي -مفيش شكر بين الصحاب -يلا ياولاد الاكل جاهز -يلا يادادا اقعدي جنبي -لا ياحبيبتي كلوا انتم انا مش قادرة -مالك يادادا فيكي ايه -ابدا مفيش يمكن شويه برد ف معدتي ولا حاجه -طيب تعالي ارتاحي ف اوضتك وهكشف عليكي -لا كلي الاول -يادادا بس... -مبسش يلا كلي قبل ماالاكل يبرد ع اذنكم -هي مالها -مش عارفه باقيلها كام يوم مش عجباني وكل م اقولها تعالي المستشفي معايا علشان اعملك شويه فحوصات مش بتوافق _خير ان شاء الله -يارب، يلا كل بقي ...... -انا همشي بقي بكرة هستناكي قدام بيتي بما اني ف طريقك -اوك ماشي اشوفك بكرة -باي،وسلميلي علي دادا -حاضر يوصل،باي باي