مالك قلبي

بارت 12

في صباح اليوم التالي

زينب:ياحور مالك بيتصل علي فونك

حور وقد ركضت واتت بالهاتف

حور:الو

مالك:انتي فاضيه نتقابل

حور:اه فين

..... مالك:في

حور:تمام مسافه السكه باي

ماليكا:هتروحي تشوفيه

حور:اه

ماليكا:اجي معاكي

حور:انتي عارفه انه مش هينفع

ماليكا:علشان خاطري ياحور

حور:ماشي ياماليكا روحي البسي وربنا يستر

.....

وما ان وصلوا للمكان المتفق عليه حتي رأت حور مالك وركضت اليه

حور:بقي كدا تمشي وتسبني

مالك:حقك عليا،ازيك ياماليكا

ماليكا:انا اسفه يامالك والله اسفه

مالك وقد رأي الصدق في عينيها

مالك:متعتذريش اقعدوا هتشربوا او تاكلوا ايه

حور:لا انت ترجع معانا البيت لانه وحش من غيرك

مالك:انا هنزل مصر بكرة

حور بصدمه:هتنزل ليه

مالك:هغير جو

ماليكا:نازل علشانه صح

مالك:لو عايزاني اتعامل معاكي ياماليكا متجيبيش سيرته

ماليكا ببكاء:يامالك انت المهم عندي والله انا معرفهوش وميفرقش معايا انا كل اللي يهمني متبقاش زعلان مني او من اي حاجه تاني وعمتو حور كانت بتحبك واكيد مش هتتمني انك تزعل او تتأذي

مالك وقد جذبها لحضنه:خلاص انا اسف متعيطيش انا بعتبرك بنتي انتي وحور ومبحبش اشوف دموعكم

ماليكا:يعني هترجع معانا

مالك:انتم بتحبوني

ماليكا وحور:اكيد طبعا

مالك:يبقي متصعبوش الوضع عليا وحاولوا تفهموا ان جوايا مش هيهدي غير لما احس اني اخدت حقها

ماليكا:مش هتناقش معاك واقولك زي ماقالوا انها اخدت حقها يومها بس علي الاقل طالما مصمم تنزل مصر يبقي نيجي معاك انا وحور

حور:ايوة يامالك نيجي معاك انا مقدرش اعيش من غيرك انا بحس انك انت اللي بابا

مالك ضاحكا:شريف لو سمع كدا مش بعيد ضغطه يرتفع

حور ضاحكه:بابي بيحبك والله ومكنش يقصد اللي عمله امبارح

مالك:عارف انه عمل كدا علشان تجاوزت حدي مع زهرة بس تمام كل حاجه هتتصلح لما احقق اللي في دماغي

حور:يعني هتاخدنا معاك

مالك:هتعطلوني

ماليكا برجاء:لا والله هنقعد عند جدو رحيم وجدو احمد وكفايه انك تيجي اخر اليوم تنام ف نفس البيت اللي هننام فيه انا وحور

مالك:يعني مش هتسألوني رايح فين او هعمل ايه

حور:لا بس خدنا معاك وهنبقي شاطرين وكمان احنا في اجازة مفيش دراسه يعني ملكش حجه

مالك:واللي ف البيت هيوافقوا

حور:اه هنقنعهم

مالك:ماشي يلا اوصلكم عرفوهم وكلموني قولولي احجزلكم معايا ولا لا

حور:معانا العربيه هنمشي احنا بقي علشان نعرفهم ونحضر الشنط

مالك:تمام

.....

في المنزل

جميله:ها عملتوا ايه قابلتوه

حور:اه يامامي

جميله:ومجاش معاكم ليه

حور:احنا هنسافر بكرة انا وماليكا مع مالك يامامي

جميله:ليه وفين

حور:فين ف مصر وليه ف حضرتك عارفه

جميله:وهو وافق

حور:اه

زهرة:وانتي ياماليكا وافق تسافري

ماليكا:اه واتصالحنا كمان يامامي

جميله:انا ممكن اوافق لكن بشرط

حور:ايه هو

جميله:انكم هتكونوا حزام الامان بتاعه هناك وقت الجد ولما هيغلط غلط مفيش منه رجعه ف انتم اللي هتوقفوه عند حده لو وعدتوني انكم هتعملوا كدا انا موافقه تسافروا

حور:وعد يامامي

ماليكا:وعد ياعمتو بس بابي وعمو شريف

جميله:سبوهم علينا المهم هتسافروا امتي

ماليكا:بكرة

جميله:تمام واكيد هتتصلوا بيه تعرفوه اني وافقت وياريت تقولوله يعدي عليكم بكرة ياخدكم علشان عايزة اتكلم معاه

حور محتضنه والدتها:حاضر شكرا يامامي شكرا اوي

....

في صباح اليوم التالي وقد اقنعت جميله وزهرة شريف ومهاب بسفر حور وماليكا مع مالك حتي حضر مالك للمنزل ليأخذهم

زهرة:جميله مالك وصل برا لسا شايفاه

جميله:تمام اطلعي استعجلي البنات لحد م اطلع اتكلم معاه

..

جميله:عارفه انك مش هتدخل فطلعت انا بس مش هتصفي من ناحيه زهرة زي ماصفيت من ناحيه ماليكا

مالك:ماليكا انا مربيها علي ايدي هي وحور وليا فيهم اكتر ماانتم ليكم

جميله ضاحكه:طب وزيزي

مالك:زينب من لما بدأت تكبر وهي مش بتفارقك علي عكس حور وماليكا فهم معايا دايما

جميله:مالك اوعي تعمل حاجه تخليني ابطل اكون فخورة بيك وتخلي حور في قبرها مش مرتاحه بسبب انك اذيت نفسك بسببها

مالك:هي امي زي م انتي كمان امي وصدقيني كل م افتكر كلامها واد ايه هو قدر يوجعها بخيانته بحس بنار في صدري

جميله:حاسه بيك لاني برضو بحس بيها كل ماافتكر لانها مكنتش تستاهل الخيانه

مالك:متقلقيش علي البنات هيكونوا عند جدي رحيم وجدي احمد وكل يوم هروح انام هناك

جميله ضاحكه:ومين قال اني قلقانه عليهم بالعكس انا قلقانه عليك علشان كدا وافقت يروحوا معاك علشان يحموك من نفسك

مالك مبتسما ومحتضنا اياها :ماشي ياامي اشوف وشك علي خير

جميله:البنات وصلوا اهو

حور:احنا جاهزين

مالك:فين ماليكا

ماليكا:انا جيت اهو يلا بينا

زينب:طب سلم علي اختك

مالك مشاكسا اياها:زيزي ماتيجي معانا انا حجزتلك معانا

وبالفعل حملها وهي تصرخ

زينب:نزلني يامالك انا عايزه مامي يامامي الحقيني

جميله ضاحكه:نزلها يامالك

مالك:بقي كدا يازيزي

زينب:انا مقدرش ابعد عن مامي زي ماالاثنين دول ميقدروش يبعدوا عنك كفايه عليهم

مالك:فعلا كفايه يلا اشوف وشكم علي خير لا اله الا الله

جميله:محمد رسول الله